Asosiy mavzular
27 yanvar 2023

Shavkat Mirziyoev Qirg‘izistonga tashrif buyurdi

O‘zbekiston prezidenti Shavkat Mirziyoev 26 yanvar kuni rafiqasi bilan birga davlat tashrifi yuzasidan Bishkek shahriga keldi. Qayd etilishicha, ikki mamlakatning davlat bayroqlari bilan bezatilgan «Manas» xalqaro aeroportida mehmonlarni Qirg‘iziston prezidenti Sadir Japarov va uning rafiqasi kutib oldi.

U erda davlat rahbarlariga O‘zbekiston va Qirg‘iziston xalqlari o‘rtasidagi do‘stlikni aks ettiruvchi musiqiy-folklor chiqishlar namoyish etildi. So‘ng Sh.Mirziyoev Qirg‘iziston bosh vaziri A.Japarov hamrohligida «Ata-Beyit» milliy tarixiy-yodgorlik majmuasiga tashrif buyurdi. Davlat rahbari 1916 yilgi fojiali voqealarning qurbonlari xotirasiga bag‘ishlangan «Urkun» yodgorligi poyiga gul qo‘ydi.

Majmua 2000 yilda qirg‘iz davlatchiligining eng muhim bosqichlari haqidagi tarixiy xotirani tiklash va asrab-avaylash maqsadida tashkil etilgan. Qirg‘iz xalqining ulug‘ yozuvchisi Chingiz Aytmatov taklifi bilan yodgorlikka «Ata-Beyit» — «Otalar qabri» degan nom berilgan.

Shuningdek, O‘zbekiston prezidentining Qirg‘izistonga tashrifi arafasida ikki davlat o‘rtasida Jalolobod viloyatida Qambarota-1 GES qurilishi bo‘yicha investitsiya shartnomasi imzolandi. Hujjatga ko‘ra, qurilish bo‘yicha asosiy uch tomonlama bitim bo‘yicha kelishuv fevral oyida bo‘lishi kutilmoqda va iyul oyida imzolanishi mumkin.

Qambarota GES bo‘yicha loyiha ofisining ochilishi joriy yilning sentyabr oyida, texnik-iqtisodiy asoslarni ishlab chiqish ishlari esa 2024 yil iyul oyida boshlanishi kutilmoqda. Loyihaning aniq miqdori ana shu texnik-iqtisodiy asoslash natijalari asosida aniqlanadi.

Bundan tashqari, davlat Rahbari tashrifi arafasida 26 yanvar kuni Bishkek shahrida O‘zbekiston-Qirg‘izston biznes-forumi bo‘lib o‘tdi. Unda ikki mamlakat hukumatlari a'zolari, tegishli vazirlik, idoralar, tarmoq birlashmalari, hududiy ma'muriyatlar rahbarlari, ishbilarmon doiralarining 350 dan ortiq vakillari ishtirok etdi. Ta'kidlanishicha, ikki davlat o‘rtasidagi tovar ayirboshlash hajmi 5 yilda 7 barobarga oshib, 2022 yilda 1,2 milliard dollarni tashkil etdi. Shu bilan birga, O‘zbekiston va Qirg‘iziston iqtisodiyotlari yaqin kelajakda 2 milliard dollarlik marradan oshish uchun yetarli salohiyatga ega ekani qayd etildi. 

Forumda 300,3 million dollarlik investitsiya, 1,15 milliard dollarlik eksport, 223 million dollarlik import shartnomalari imzolandi.

Tag‘in o‘qing
4 dekabr 2018
Qoraqalpog‘istonning To‘rtko‘l tumanidagi sil kasalliklariga moyil bolalar maktab-internati tarbiyachisi Zulfiya Mavlonova internat direktori Nurilla Ro‘zimovning tarbiyalanuvchilarga nisbatan noinsoniy munosabatda ...
15 fevral 2017
Shavkat Mirziyoevning tashabbusi bilan Toshkentda Afrosiyob va Beshyog‘och ko‘chalari kesishgan joyda ko‘pfunktsiyali unikal Muz saroyi quriladi. Xabar qilinishicha, inshootning ...
9 noyabr 2023
Izboskan tumani Andijon viloyati tarkibida ta'sis etilganiga 97 yil bo‘lgan. Ammo, Eltuz suhbatlashgan izboskanliklar, tuman tarixida biron hokim Serobiddin ...
25 oktyabr 2023
Qarshi shahrida Prezident Shavkat Mirziyoev raisligida Qashqadaryo viloyatini ijtimoiy-iqtisodiy rivojlantirish masalalari yuzasidan o‘tayotgan yig‘ilishda Oliy ta'lim, fan va innovatsiyalar ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...