Asosiy mavzular
22 dekabr 2020

Kosonda 8 kishi tomonidan kaltaklangan 57 yoshli erkak vafot etdi

Bosh miyasidan jarohat olgan Qashqadaryo viloyati kosonlik 57 yoshli Mahmud Mamasharipov 12 dekabr kuni olamdan o‘tdi. Uni 22 noyabr kuni o‘zi yashaydigan Paxtazor mahallasidagi savdo majmuasi oldida bezorilar kaltaklagan edi. 

Kaltaklanganlar soni 4 ta bo‘lgan. Ulardan biri o‘ldi, ikki kishining ahvoli og‘ir, yana bir kishi bir necha joyidan pichoq bilan jarohatlangan.

IIB bunga sovuqqonlik bilan qarayapti, deya iddao qildi marhumning o‘g‘li Mirolim Mamasharipov “Eltuz”ga. 

Ma'lum bo‘lishicha, ota-bola do‘kondan chiqib, uylariga qaytayotgan vaqtda o‘rtacha yoshi 23 yoshdan 31 yoshgacha bo‘lgan sakkiz yigit ularning yo‘lini to‘sgan va ayovsiz kaltaklagan.

Murosaga kelinmagach, o‘g‘il akasiga qo‘ng‘iroq qilgan. Akasi pochchasi bilan yetib kelganida ularga ham pichoq va temir jismlar bilan tan jarohati etkazilgan. Kaltaklanganlar shifoxonaga olib ketilgan. Bezorilar esa voqea joyidan yashiringan.

– Bezorilar bizga hujum qilganda otam ikkalamiz edik,- deydi Mirolim Mamasharipov. – Do‘kondan chiqayotganimizda ular bilan tortishib ketdik. Bu bolalarni mahallada hamma taniydi. Umri ko‘chada o‘tadigan bu bezorilar dastidan ko‘chada erkin yurib ham bo‘lmaydi. Ular bilan avval bir marta kelishmay qolganman. Meni so‘kkan. Men ham ularni so‘kkanman. Barchasi bir bo‘lib meni kaltaklashga mavrid izlab yurgan ekan.

Shu mahallada istiqomat qiluvchi (ismini sir tutishni so‘ragan) kishining so‘ziga ko‘ra, bir mahallaning o‘zida o‘ndan ortiq fohishaxona bor. Ularni to‘xtatadigan, ishini o‘rganadigan odam yo‘q.

– Uchastka nozirlarining o‘zlari u ayollardan cho‘chiydi, -deydi u. -Tili qisiq joyi bormi, bilmadim, ammo ular mahalladan fayzni aritdi. Yosh o‘spirin yigitlar ana shu fohishalarni talashib, mushtlashib, pichoqlashish holatlari ham ko‘p bo‘ladi. Ushbu pichoqlashuvdagi bolalar ham doim ko‘chada har xil narsalarni chekib o‘tiradi. Mahalla raisi esa befarq. Och qornim, tinch qulog‘im, deydiganlardan.

Tuman hokimligi xodimi ushbu mahallada bu kabi ko‘ngilsiz hodisalar ko‘p bo‘lib turishini, voqeani esa tuman IIB nazoratga olganini bildirdi.

– Voqea qonun doirasida o‘rganilmoqda, – dedi “Eltuz” bilan suhbatlashgan IIB mulozimi. – Aybdorlar o‘z jazosini oladi. Ikki fuqaro ustidan jinoyat ishi ochilgan. Qolgan yigitlar so‘roq qilinmoqda. Xolis guvohlar ham bor. Voqeani o‘rganishda hech qanday muammo tug‘ilgani yo‘q. Tergov jarayonlari davom etmoqda.

Tag‘in o‘qing
30 iyun 2016
Shanxay hamkorlik tashkilotining sammiti davrida tahlillar, qarashlar borasida sukut saqlab, go‘ng bo‘lib o‘tirgan O‘zbekiston matbuoti nihoyat turli arboblaru sharhlovchilarning ...
11 dekabr 2017
Ëshlar ittifoqi kafilligi ostida jinoyatchilar sud zalidan ozod qilinmoqda. Lekin bu kafillik shu yilning 27 sentyabrida qamoqqa olingan jurnalist ...
14 mart 2017
O‘zbekistonda shu kunlarda ham notaruislarning oshig‘i olchi. Mamlakatdagi eng daromadli kasblardan biri notarius. Shu paytgacha ularning qirg‘irliklari haqida deyarli ...
12 may 2017
11 may kuni BMT inson huquqlari bo‘yicha Oliy komissari Zeyd Raad Al-Xuseynning tashrifi yakunlandi. Tashrifning bosh natijasi 15 yillik ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...