Asosiy mavzular
4 mart 2021

“Prezidentning Andijonga kelishi”ga tunu kun tayyorgarlik

Andijon shahrining yillar davomida e'tiborsiz qolgan ko‘chalari obod qilina boshlandi. Chuqurlar yamalib, loy ko‘chalarga asfalt yotqizilmoqda. Eski kanalizatsiya quvurlari yangisiga almashtirilmoqda. 

Odamlar qayoqdan kun chiqqaniga hayron. Shu paytgacha biror rahbar bosh suqmagan chekka mahallalar, ichki ko‘chalarda obodonlashtirish va ta'mirlash ishlari ketmoqda. 

Aholi vakillarining aytishicha, mahalliy rahbarlarga insof kirishiga  O‘zbekiston prezidentining Andijonga tashrifi kutilayotgani sabab bo‘lgan. 

“Bir yil oldin ko‘chamiz kovlanib, quvurlar almashtirila boshlangan, keyin esa o‘sha holicha tashlab ketilgandi, – deydi shaharning Maydon bozor deb ataluvchi hududida yashovchi fuqaro Dilfuza Qosimova. – O‘ydim-chuqur, loy ko‘chalarda qish ichi rosa qiynaldik. 

Tabiiy gazimiz ham yo‘q. Ballonli gaz ikki oyda bir keladi. Bir haftadan beri esa yo‘l quruvchilar ko‘chamizda tunu kun ishlashmoqda. Shahar hokimligi vakillari kunda shu yerda. Gaz balloni bir hafta ichida 2 marta keldi. Mirziyoev tez-tez kelib tursa bo‘larkan”.  

Ayni kunlarda shahardagi Temirchilik, Sanoat ko‘chalari va Qo‘shariq dahasida yo‘lsozlar kecha-kunduz mehnat qilyapti. Yo‘l bo‘ylarida-ku, ish bir zum to‘xtagani yo‘q.

Davlat rahbari o‘tgan oyda Farg‘ona va Namangan viloyatlariga tashrif buyurgan, kutilmaganda yo‘nalishni o‘zgartirib, rejada belgilanmagan ko‘chalarga kirib borgan edi.

– Menimcha, hokimlikdagilar prezident Andijonga kelganida ham shunaqa qiladi, deb o‘ylashyapti. Shunga qo‘rqqanidan “orqalarini yopishyapti”, deydi Qo‘shariq dahasidagi ko‘p qavatli uylardan birida yashovchi Shukrillo  Ahmedov. 

Hozircha prezidentning viloyatga tashrifi sanasi haqida aniq ma'lumotlar yo‘q. Viloyat hokimligida ishlovchi manbaning ma'lum qilishicha, davlat rahbari katta ehtimol bilan mart oyining ikkinchi yarmida kelishi mumkin. 

Biroq uning kelishidan ko‘ra yana biror oy kelmay turishini xohlayotganlar juda ko‘p. Chunki bu xabarning o‘ziyoq aholining ko‘plab muammolari yechilishiga olib kelmoqda.

– Hokimlar muloyim tortib, murojaatchilarni qabul qila boshladi, banklarda kreditlar berilishi tezlashdi. Qaniydi prezident ana boraman, mana boraman, deb tashrif muddatini cho‘zib tursa. Bahonada hamma ko‘chalarimiz asfaltlanib, mahallalarimiz ancha obodlashib qoladi, – deydi aholi vakillaridan biri.

Tag‘in o‘qing
21 sentyabr 2017
Bo‘lmadi. Ko‘pchilik ziyolilarning kutgani bo‘lmadi. O‘zini 26 yildan buyon mustaqil deb biladigan, ko‘ksiga urib bu bilan g‘ururlanadigan davlatning rahbari ...
2 sentyabr 2020
Professor Kristian Lasslett Sovet Ittifoqidan keyingi O‘zbekistonning birinchi prezidenti Islom Karimov 2016 yil sentyabr oyida vafot etgach, undan murakkab ...
29 yanvar 2020
Sobiq “Abu Saxiy” bozoridagi do‘konlari buzilishidan norozi tadbirkorlar g‘alayoni ortidan bozorning yangi egasi “Tashkent Trade Center” xususiy korxonasi 27 ...
24 aprel 2020
Qadrli «Eltuz» ko‘rarmonlari, men sizning har juma rassom Tuz va'zlarini kutayotganingizni bilaman va sizning e'tiboringizni qadrlayman. Afsuski, bu hafta ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...