«Eltuz» «Marhabo, talantlar!» tanlovini e'lon qiladi

«Eltuz» nashri o‘zining yutub kanalida “Marhabo, talantlar” tanlovini boshladi.

Tanlov shartlari

Tanlovda ishtirok etish uchun qo‘shiq, ashula, raqs, she'rni ifodali o‘qish, stend-ap shou chiqishi, intermediya, sketch-fokus va akrobatika namoyishi yozilgan videotasvirni 2019 yil 1 dekabrga qadar yuborish kerak bo‘ladi.

Tasvirlar 7 minutdan oshmasligi va mualliflik huquqi normalariga rioya qilingan bo‘lishi shart. Cholg‘u chalish olqishlanadi. Fonogramma bilan ijro qilmaslik so‘raladi.

Tanlov g‘olibi yutubdagi tomoshabin soniga ko‘ra aniqlanadi. Nomzod yuborgan video e'lon qilinganidan keyin 10 kun ichidagi tomoshabinlar soni hisobga olinadi.

Video e'lon qilinganidan keyingi 10 kun ichida eng ko‘p ko‘rilgan qatnashchi yagona g‘olib bo‘ladi. Tanlov g‘olibi 31 dekabr kuni e'lon qilinadi.

G‘olibga shoxi bir aylangan qo‘chqor bo‘ynidagi arqoniga qo‘shib beriladi.

Marhabo, talantlar!

Qatnashishni istaganlar telegram (t.me/eltuz), feysbuk, (facebook.com/eltuzcom) va eltuz2015@gmail.com elektron pochtaci yoki +46 76 595 45 52 raqamli telefon orqali bizga murojaat qilishsin.

eltuz.som