Asosiy mavzular
16 aprel 2019

Toshkentda huquq faoli shikoyati yuzasidan sud boshlandi

Toshkent shahrining Shayxontohur tumani ma'muriy ishlar sudi 15 aprel kuni huquq faoli, 68 yashar A'zam Turg‘unovning ichki ishlar xodimi Rustam Murodovning noqonuniy harakati yuzasidan shikoyatini ko‘ra boshladi.

Bundan oldin, 2018 yilning 30 avgust kuni ayni ma'muriy sud sudyasi Xolmamat Hasanov huquq faoli A'zam Turg‘unovni «hokimiyat vakiliga bo‘ysunmaganlik»da ayblab ,bir minimal ish haqi miqdorida jarimaga tortgan» edi.

Turg‘unovning fikricha, unga qarshi ma'muriy ishning qo‘zg‘atilishiga aynan ichki ishlar xodimi Rustam Murodovning raporti asos bo‘lgan.

«O‘tgan yilgi ish bo‘yicha mening shikoyatimni ko‘rib chiqish chog‘ida shantaj qilishib, meni va yana guvoh Zulfiya Xudoybergenovani Ma'muriy kodeksning 41 (haqorat qilish), 180 (sudga hurmatsizlik qilish) va 194-(ichki ishlar xodimining qonuniy talablarini bajarmaslik) moddalari bilan ayblab ish qo‘zg‘ashmoqda», deya izoh berdi A'zam Turg‘unov «Eltuz» muxbiriga.

Voqea 2018 yilning 29 avgust kuni yuz bergan. O‘sha kuni huquq faoli A'zam Turg‘unov va jurnalist Malohat Eshonqulova yo‘lda ketayotganida Toshkent shahridagi Oliy sud binosi yaqinida plakatlar ko‘tarib turgan bir guruh ayollarni ko‘rib qoladi va rasmga ola boshlaydi.

Shunda IIB tezkor xodimi Rustam Murodov huquq faoli A'zam Turg‘unovning qo‘lini qayirib, telefonini qo‘lidan olib, Shayxontohur tumani IIB bo‘limiga olib boradi.

Kelasi kuni ma'muriy sud Turg‘unovni hokimiyat vakiliga bo‘ysunmaslikda aybdor deya topadi. 15 aprel kuni boshlangan mahkamada Turg‘unov ichki ishlar xodimi Rustam Murodovning sudga chaqirilishini so‘radi.

«Bu ishdagi asosiy figurant oper Rustam Murodovni jon-jahdi bilan yashirishyapti. Men o‘sha odam sudga kelib, o‘zining talabi qonuniy ekanligini isbotlab bersin, deyapman. Lekin sud uni sudga chaqirmayapti», dedi A'zam Turg‘unov «Eltuz» muxbiriga.

Eltuz.com

Tag‘in o‘qing
6 iyun 2017
Andijonlik Bahromning mutaxassisligi injener-texnolog edi. Ammo u O‘zbekistonda mutaxassisligi bo‘yicha ish topa olmadi va boshqa qishloqdoshlari qatori Rossiyaga ishlagani ...
2 noyabr 2016
«Xalq so‘zi» gazetasi (29.10) «Ijtimoiy fikr» jamoatchilik fikrini o‘rganish markazi tomonidan o‘tkazilgan navbatdagi so‘rovning natijalari haqida maqola e'lon qildi. ...
5 sentyabr 2022
Qadrli muhlislar, e'tiboringizga Eltuz 600 sekundninig navbatdagi sonini taqdim etadi.+++4 sentyabr kuni Qamashining Qo‘shkapasida “Neksiya» haydovchisi velosiped haydab ketayotgan ...
14 aprel 2020
O‘zbekiston hukumati «Voyaga yetmaganlar va yoshlar o‘rtasida huquqbuzarliklar profilaktikasi tizimini yanada takomillashtirish bo‘yicha chora-tadbirlar to‘g‘risida»gi qonun loyihasini e'lon qildi. ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...