Document UZ
5 iyul 2019

Parpiev ketdi, lekin unga aloqador biznes gullab-yashnamoqda

“Yoshim yetmishdan oshdi. 50 yildan ortiq haydovchilik tajribam bor. Lekin peshonada bor ekan, nevaram tengilar bilan yana haydovchilikka o‘qiyapman”. Foto: avtotest.uz

Bu so‘zlar o‘g‘li xususiy firmasi nomiga olib bergan mashinani haydab yuradigan otaxonning aytganlari.

Hukumatning xo‘jalik sub'ektlariga tegishli avtotransportni boshqaradigan haydovchilarning har ikki yilda “Avtotest Report” MChJda malaka oshirishini belgilashi ortidan otaxon ham bir haftalik kurslarda o‘qimoqda.

O‘zbekistonda pensiya yoshidan o‘tgan bo‘lsa-da, qaysidir firma yoki tashkilotning mashinasini haydaydiganlar ko‘plab topiladi. Demak, butun umr mashina chambaragini qo‘ldan qo‘ymagan bunday kishilarni “Avtotest Report” kurslarida hali yana ko‘p bora uchratamiz.

Dunyoning hech bir mamlakatida hukumat xususiy tijoriy firmaga bunday huquqni bermagan bo‘lsa kerak.

Eng yomoni, turli aholi qatlamlarni, shuningdek, ayrim deputatlarning noroziligiga qaramay, hamon bu hujjat bekor qilingani yo‘q.

O‘z vaqtida bunday qarorning qabul qilinishiga sabab sifatida yo‘l-transport hodisalari ko‘payib borayotgani sabab qilib ko‘rsatilgandi.

Keyinchalik ma'lum bo‘lishicha, sodir bo‘layotgan bunday voqealarda yuridik shaxslarga tegishli avtotransportlarning ulushi 10 foizga ham yetmas ekan.

Mazkur hujjat qabul qilingandan so‘ng savollar ketidan savol paydo bo‘lavermoqda. Masalan, nega haydovchilarni qayta tayyorlash huquqi bitta firmaga berildi? Nega haydovchilar aynan har ikki yilda qayta malaka oshirishi kerak?

Yillar davomida mashina boshqarib kelayotgan minglab haydovchilarning malakasini shubha ostiga olishga qanday sabablar turtki bo‘lmoqda?

Afsuski, kundan kun ko‘payib borayotgan bu kabi savollarga hali aholi biror marta to‘liq javob olgani yo‘q. Aksincha, “Avtotest” kurslarida o‘qitishga majburlash tobora kuchayib borayotir.

Hozircha yuridik shaxslarga tegishli avtotransport haydovchilarida majburiy ravishda “Avtotest Report”ning sertifikatini bo‘lishi muddati 1 iyuldan 1 sentyabrga surildi.

Sentyabr oyidan boshlab transportni bunday sertifikatsiz boshqarayotgan haydovchilar jarimaga tortiladi.

“Avtotest Report” kurslari bir haftaga mo‘ljallangan. Unda o‘qish bahosi esa 345 ming so‘mni tashkil etadi.

Hozir har haftada qanchadan-qancha firma, korxona va tashkilotlar o‘z haydovchilarini “Avtotest Report”da o‘qitish uchun millionlab sarflamoqda. Lekin bu pul davlatning emas, korchalonlarning cho‘ntagiga tushmoqda.

O‘zbekistonda tarqalgan gap-so‘zlarga ko‘ra, “Avtotest-Report” MChJ Davlat soliq qo‘mitasining sobiq rahbari Botir Parpievning qudratli biznes imperiyasiga aloqador. Uning egasi esa B.Parpievning yaqin odami, prezident matbuot xizmati rahbari Komil Allamjonov ekani aytiladi.

Bugun Komil Allamjonov prezident orbitasiga eng yaqin odamlardan biri hisoblanadi. “Avtotest Report”ning mushugi oftobda yastanib yotishiga ham shu omil sababchi emasmikin?!

Bahodir Sharif
Eltuz.com

Tag‘in o‘qing
15 yanvar 2021
Salom, azizlarim. O‘tgan galgidan ko‘ra davramiz yana kengayganini ko‘rib sevindim. Yaqindagina 200 ming edik. Mana, yana 4000 qo‘shilibdi. To‘yda ...
26 sentyabr 2016
Bugun qishloqda eng muhim ish paxta yig‘im-terimi bo‘lib turibdi. Hokimiyat vakillari paxta bu siyosat ekanini aytib, o‘qituvchi va shifokorlarni, ...
21 yanvar 2019
16 yanvar kuni Shveytsariyaning «Tages-Anzeiger» gazetasi amerikalik biznesmen va Gulnora Karimovaning sobiq eri Mansur Maqsudiy Karimovaning Shveytsariyada muzlatilgan aktivlaridan ...
25 yanvar 2016
Qamoqxona boshlig‘i o‘rinbosari poraxo‘r bo‘lib chiqdi “Huquq” gazetasining yozishicha, Navoiy viloyatidagi jazoni ijro etish muassasasi boshlig‘ining umumiy masalalar bo‘yicha ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...