Asosiy mavzular
11 iyun 2018

Gulnoraning pullari Toshkentga qaytish arafasida

O‘zbekistonning marhum prezidenti qizi Gulnora Karimovaga tegishli bo‘lgan, Shveytsariya banklarida muzlatilgan 800 million AQSh dollaridan ortiq mablag‘ning bir qismini rasmiy Toshkentga qaytarish masalasi deyarli ijobiy bo‘lgan.

Shveytsariya amaldorlaridan birining EADaily nashriga bildirishicha, bu mablag‘ga O‘zbekiston va AQSh hukumatlari, shuningdek, Zeromax kompaniyasi kreditorlari da'vogarlik qilib kelgan.

Zeromax kreditorlari bu kompaniyaning G.Karimovaga tegishliligini isbotlay olishmagan. AQSh esa bu pullar AQSh dollarida va AQSh bank tizimidan foydalanilgan holda o‘zlashtirilgani bahonasida ularning bir qismi o‘ziga tegishi kerakligini da'vo qilgan.

Ma'lum bo‘lishicha, Shveytsariya hukumati muzlatilgan pullarning asl egasi O‘zbekiston hukumati, degan qarorga kelgan va O‘zbekiston hukumati siyosatidagi o‘zgarishlar unga pullarni qaytarish uchun ham qonuniy, ham ma'naviy huquq paydo bo‘ldi, deb hisoblamoqda.

Bunday avvalroq xorijdan boshpana topgan bir guruh o‘zbek faollari, jumladan, O‘zbekiston-Germaniya inson huquqlari forumi Gulnora Karimovaga tegishli bo‘lgan korruptsion pullarni rasmiy Toshkentga qaytarib bermaslik talabi bilan Shveytsariya hukumatiga murojaat yo‘llagandi.

Ularning fikricha, O‘zbekiston hukumati hali korruptsiyaga qarshi yetarlicha kurash olib borayotgani va bu amalda o‘z isbotini to‘liq topayotgani yo‘q. Shuning uchun mazkur mablag‘ning O‘zbekiston hukumatiga topshirilishi uchun hali tegishli sharoit mavjud emas.

Ammo so‘nggi ma'lumotlardan ko‘rinadi, Shveytsariya hukumati o‘zbek faollarining chaqirig‘iga quloq tutishni o‘ziga ep ko‘rmagan.

Xalqaro kuzatuvchilar esa O‘zbekistonda kutilganidek keskin ijobiy o‘zgarishlar kuzatilmayotganini aytishda davom etmoqda.

Jumladan, o‘zbekistonlik mustaqil tadqiqotchi, hozir Londonda yashayotgan Alisher Ilhomov AQSh va O‘zbekiston munosabatlaridagi yangi bosqich xalqaro hamjamiyat uchun yangi muammolar tug‘dirayotganini ta'kidladi.

“Mening mamlakatim arosatda. Agar u o‘z hukumati siyosatida korruptsiyaga qarshi yanada samaraliroq kurash olib borish maqsadida islohotlar o‘tkazmasa, korruptsiyalashgan kapitalizm botqog‘iga botadi”, deb yozdi A.Ilhomov.

Uning fikricha, O‘zbekistondagi o‘zgarishlarning aksariyati yuzaki, shuning uchun AQSh bu yerda tuzilmaviy islohotlar faolroq va tezroq o‘tkazilishini talab qilishi lozim.

“Prezident Mirziyoev mamlakatning korruptsiyaga qarshi kurash masalasidagi obro‘sini ko‘tarishga tayyorligini namoyon etyapti. Biroq u hali ham poraxo‘rlikning oldini olish va jazolash mexanizmlarini yaratmagan”, deydi A.Ilhomov.

Sardor Azim
Eltuz.com

Tag‘in o‘qing
28 aprel 2016
Bugun O‘zbekistonning markaziy shaharlarida kambag‘allarning munkaygan kulbasi yonida qad ko‘targan muhtasham qasrlarni ko‘rish mumkin. Albatta, aksariyat amaldorlar kambag‘al mahallada ...
7 oktyabr 2020
O‘zbekiston prezidentining ilm-fan masalalari bo‘yicha maslahatchisi Abdujabbor Abduvohidovning Toshkentdagi tadbirda davlat rahbarining katta qizi Saida Mirziyoevga ta'zim qilgani sotsial ...
7 fevral 2023
Bu odamni etini jimirlatgan dahshatli o‘g‘irlik 2 fevraldan 3 fevralga o‘tar kechasi Vobkentning Xalach qishlog‘ida sodir bo‘ldi.  Qop qora ...
22 dekabr 2020
Bosh miyasidan jarohat olgan Qashqadaryo viloyati kosonlik 57 yoshli Mahmud Mamasharipov 12 dekabr kuni olamdan o‘tdi. Uni 22 noyabr kuni o‘zi yashaydigan Paxtazor mahallasidagi ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...