Asosiy mavzular
3 iyun 2021

O‘zbekiston: Ko‘plab jurnalistlar sudlov kursisida

Effect.uz axloq-odob qoidalariga zid xatti-harakatlarga yo‘l qo‘ygan, ammo uning muammolarga duchor bo‘lishi sababi bu bilan bog‘liq emas, deya yozadi Eurasianet nashri.

O‘zbekistonda yana ko‘plab jurnalistlar sudlov kursisi bilan yuzlashmoqda.

Bu safar Effect.uz yangiliklar veb-sayti muxbirlari go‘yo hukumat vakiliga o‘z ishini bajarishiga to‘sqinlik qilish, davom etayotgan tergov yoki sud ishlarini hal etishga aralashish, tuhmat qilish va davlat xizmatchisini haqorat qilishda ayblanib jinoiy javobgarlikka tortilmoqda.

Birinchi sud majlisi 27 may kuni Qashqadaryo viloyati markazi Qarshi shahrida bo‘lib o‘tdi. Sud qarshisida X.Ahmedov, A.Nurimbetov va E.Tojiboev o‘tiribdi. 

Birinchi sud majlisi atigi 30 daqiqa davom etdi. Chunki sud raisi jurnalistlardan ularga qo‘yilayotgan ayblovlar bilan tanishmisiz, deb so‘radi, ammo ular yo‘q, deb javob berishdi. Sud raisi sud majlisini 31 mayga qoldirdi.

Ish yanvar oyida sodir bo‘lgan voqeaga borib taqaladi.

“Effect.uz saytida uning xodimlari jinoyat ishlari bo‘yicha Termiz tumani sudi raisi xizmat xonasiga bostirib kirib, sud majlisida ishtirok etish va jarayonni tasvirga olishni talab qilishgani haqida videoyozuv chiqarilgan”, deyiladi Bosh prokuratura xabarida.

Ushbu epizod paytida yuz bergan tartibsizliklar aks etgan video YouTubeda 700 mingdan ziyod ko‘rilgan.

Effect.uz jurnalistlari yoritmoqchi bo‘lgan sud jarayoni Ikrom Xudoyorov ismli fuqaroga nisbatan katta miqdordagi firibgarlik ayblovini o‘z ichiga olgan. Sayt muxbirlari sudlanuvchining iltimosiga binoan sud jarayonini yoritishga va'da berishdi, ammo sud majlisi yopiq eshiklar ortida o‘tishi kerak edi.

Ilgari Effect.uz ba'zida hisobot berayotgan sub'ektlardan to‘lov qabul qilishi da'vo qilinadi – O‘zbekistonda jadal rivojlanib borayotgan ommaviy axborot vositalarida odatiy holga aylangan axloqiy muammoli yondashuv. 

Ushbu veb-sayt prezident Shavkat Mirziyoev 2016 yilda hokimiyat tepasiga kelganidan buyon yangi ommaviy axborot vositalari jadal rivojlanayotgan bir paytda yaratilgan ko‘plab saytlardan biridir.

Effect.uz 2019 yilda ro‘yxatdan o‘tganidan beri jamoatchilikda katta qiziqish uyg‘otdi, shu bilan birga, rasmiy jurnalistik ma'lumot cheklangan sud jarayonlariga katta e'tibor qaratdi. May oyida olti yarim yilga ozodlikdan mahrum qilingan jurnalist Otabek Sattoriy ishi yoritilishi bunga yorqin misoldir. 

Sattoriy ishi Mirziyoev davrining nisbiy liberallashuvi nihoyasiga yetishi mumkin, degan xavotirga sabab bo‘lgan ishlardan biridir.

Tag‘in o‘qing
26 mart 2020
Koronavirus nima?  Viruslarning keng tarqalgan oilasini tashkil etuvchi koronaviruslar odam va hayvonlarda kasallik qo‘zg‘atishi isbotlangan xususiyatlarga ega. Qator koronaviruslar ...
15 aprel 2020
Havo bugun ham buzuq. Kechasi yana yomg‘ir yog‘di. Tuni bilan bezovta uxladim. Nam havoga oyog‘im og‘ridi. Ko‘rgan tushlarim esa ...
28 iyul 2016
Qarshimizda Sovet Markaziy Osiyosida isyonchilik harakatiga qarshi kurashish davrida olingan eng muvaffaqiyatli fotohujjatlardan biri desa bo‘ladigan fotosurat turibdi. Biz ...
3 iyul 2016
Turkiya aeroportida 28 iyun kechasi uyushtirilgan bombali hujum paytida halok bo‘lgan namanganlik Abrorjon Ustaboev va toshkentlik Muxiddinov Samad Murodovichlar ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...