Catira
19 dekabr 2018

Urganchlik sudya Zokirjon Ibragimov pora bilan hibsga olindi

Fuqarolik ishlari bo‘yicha Urganch tumanlararo sudi sudyasi Zokirjon Ibragimov 14 dekabr kuni 12 ming AQSh dollarini pora sifatida olayotganida ushlandi.

Urganchlik sudya porani turar joyga egalik huquqini belgilash masalasini hal qilish evaziga M.E.dan talab qilgani haqida yozadi, jumladan, prokuraturaning rasmiy sayti.

Ushbu xabarga ko‘ra, 11 dekabr kuni M.E. Urganch tumani sudyasi Zokirjon Ibragimovga qonuniy chora ko‘rilishini so‘rab, Xorazm viloyati huquqni muhofaza qilish organlarga ariza bilan murojaat etgan.

Hozirda urganchlik poraxo‘r sud'yaga nisbatan O‘zbekiston Respublikasining «Sudlar to‘g‘risida»gi ыonuni va Jinoyat kodeksining tegishli moddalariga ko‘ra jinoyat ishi qo‘zg‘atilgan.

Urganch tumani mulozimlarining uy-joyga egalik qilishga aloqador pora bilan qo‘lga tushirilgani haqida “Eltuz” ilgari ham o‘z o‘quvchilariga ma'lum qilgan edi.

Xususan, Urganch tumani hokimi Otabek Bekchonov 15 oktyabr kuni ishdan olingan, tuman prokurori D.Madirimovga hayfsan berilgan.

Shu yilning avgust oyida Urganch tumani hokimining qurilish bo‘yicha o‘rinbosari 29 yashar Bekzod Abdrimov yerga egalik huquqini olib berish uchun pora olganlikda ayblanib qamalgan edi.

Bundan sal avval – 5 dekabr kuni “Eltuz” nashri jurnalist Bobojonovlarning uylarini musodara qilish qarorini Urganch tumani sudi o‘z kuchida qoldirishi ortidan ishni nazorat tartibida qayta ko‘rib chiqish yuzasidan O‘zbekiston Oliy sudiga murojaat qilgani haqida yozgan edi.

Urganch tumanlararo fuqarolik sudining 27 noyabr kungi majlisida sudya O‘tkir Masharipov aka-uka jurnalist Bobojonovlarning uylarini musodara qilish borasidagi o‘zi chiqargan qarorni o‘zi o‘z kuchida qoldirgan edi.

Eltzu.com

Tag‘in o‘qing
23 dekabr 2016
O‘zbekistondagi internet saytlari shu vaqtgacha tilga olinmagan muammolarni yoritib, yozma nashrlarga qaraganda ancha “dovyuraklashib” borayotgandek taassurot qoldirmoqda. Xususan, Kun.uz ...
17 dekabr 2018
O‘zbekistonda 2017 yilda 13 foiz kishi o‘z ixtiyoriga qarshi ravishda paxta terimiga jalb qilingan bo‘lsa, 2018 yilda bor-yo‘g‘i 7 ...
23 avgust 2019
Mamlakat turg‘unlarining buzilayotgan uylari uchun bozor narxida tovon talab qilishi ochko‘zlik ekan. Prezident samolyoti uchun 300 mln. to‘lansa, mayli. ...
16 mart 2017
Bugun, 2017-yil 16-martda O‘zbekistonda “Ichki ishlar organlari to‘g‘risida”gi qonun kuchga kirdi. Mazkur Qonun muvaqqat prezident Shavkat Mirziyoev tomonidan 2016 ...
Bloglar
2 iyul 2020
6-sinfda o‘qirdim, Kampuchiyada davlat to‘ntarishi bo‘lib hukumatga Pol Pot rahbarligidagi “Qizil kxmerlar” kelganini, ular butun ...
25 iyun 2020
​​Xalqaro press-klubda matbuot anjumani bo‘lib o‘tibdi, unda Inson huquqlari bo‘yicha Milliy markaz direktori Akmal Saidov ...
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan ...