Mirziyoev o‘qituvchi obro‘sini prokurordan baland qilmoqchi

Besh yil xalq ta'limi vaziri bo‘lgan Ulug‘bek Inoyatov 20 iyun kuni ishdan olindi. O‘rniga Innovatsion rivojlanish vazirligi mulozimi Sherzod Shermatov keldi.

Vazirning uchta o‘rinbosari – Qodirboy Bekturdiev, Jahongir Sidiqov va Dilshod Kenjaev ham ishdan ketdi. 21 iyun kuni yig‘ilish o‘tkazgan bosh vazir Xalq ta'lim vazirligi mulozimlarining ishdan olinishini prezidentning o‘qituvchilar obro‘sini oshirishga astoydil ahd qilgani bilan izohlagan. Abdulla Aripov o‘qituvchilar majburiy mehnati «jarrohlik yo‘li bilan» bartaraf qilinishini aytgan.

Ishdan olingan Ulug‘bek Inoyatov davrida o‘qituvchilar kasblariga xos bo‘lmagan ko‘cha tozalash, paxta terish kabi ishlarga jalb etildi. Mustaqillikning dastlabki yillarida qurila boshlagan kollejlar yopilib, maktablar qaytadan 11 yillik eski tizimga qaytarildi.

«Endi esa 20 yilda oldga yurmagan shaldiroq eski aravani sudrash navbati Sherzod Shermatovga tegdi», deydi rassom Tuz o‘z skeptik majozini hajviy rasm tarziida aks ettirarkan.

Rassom Tuz
Eltuz.com