Ko‘zqarash
10 mart 2020

Aripov 400 eski joy nomini o‘zgartirmoqchi

O‘zbekiston bosh vaziri Abdulla Aripov ishtirokidagi yig‘ilishda respublika bo‘yicha 300 dan ziyod qishloq va mahallaning, 400 ga yaqin ko‘chaning eski, sovetlar davriga xos yoki biror mantiqsiz, tushunarsiz nomi haligacha saqlanib qolayotgani tanqid qilindi.

Qiziq, qaysi nomlar? Menga qiziq. Bunday nomlarni imi-jimida almashtirmay e'lon qilishlarini, yanayam yaxshisi, shu aholi punktlarida yashaydigan aholining fikri asosida almashtirishlarini xohlardim.

Toponimiya muammolari haqida menchalik ko‘p va xo‘b yozgan bo‘lmasa kerak. Kanal ochilganidan buyon, hatto u ochilishidan ancha avval bu muammoni ko‘targanman. Tarixiy joy nomlarini saqlash tarixiy qo‘lyozmalarni yo tarixiy binolarni saqlashday muhim va mas'uliyatli vazifadir.

Bu boradagi qarorlar to‘ppa-to‘g‘ri bo‘lganda ham ishni byurokratlarga emas, toponimistlar va tilshunoslarga, tarixchi va etnograflarga topshirish kerak, deb o‘ylayman.

Mafkuraga yo‘g‘rilgani bois sovetcha nomlarni saqlashdan ma'ni yo‘qdir balki (agar konkret sovet davrida qurilmagan bo‘lsa).

Lekin eski nomlarni o‘zgartirishda ehtiyot bo‘lish kerak. “Mantiqsiz, tushunarsiz” deb baholanadigan joy nomlari zamirida odatda biror tarixiy voqelik yotadi: urug‘ nomi, odat nomi, an'anaviy nom va hokazo.

Bularni jiddiy o‘rganmay turib, “Baxtobod”, “Guliston”larga almashtirib tashlash jiddiy xato bo‘ladi.

Ehh, shuncha yozganim bilan gaplarim eng yuqoriga yetib bormasligini bilaman. Hech bo‘lmaganda, obunachilarim meni eshitib, boshqalarga yetkazishga harakat qilsa, gapiradiganlar ko‘paysa, balki o‘zgarish bo‘lar.

Eldar Asanov,
Telegramdagi «Asanov formati» blogeri

Tag‘in o‘qing
30 avgust 2016
Keyingi uch kun ichida, Karimovning miyasiga qon quyilgani va o‘lgani haqida Internetda xabarlar paydo bo‘ldi, shu munosabat bilan Chexiyadan ...
27 aprel 2017
Notanish ayollarning uyiga bostirib kelib janjal ko‘tarishi ortidan Prezident portaliga murojaat etgan xorazmlik Shukurjon Madrahimova 27 aprel kuni Viloyat ...
9 yanvar 2017
Sho‘rolar davrida bir fantastik film bo‘lardi. Yerliklar yaxshi o‘zga sayyoraliklarga yomon sayyoradoshlari ustidan g‘alaba qozonishiga yordam berishi haqida edi ...
1 dekabr 2016
4 dekabr kuni prezidentlik saylovida nomzodi qo‘yilgan bosh vazir Shavkat Mirziyoevga laganbardorlik motivlari shu kunlarda o‘zining cho‘qqisiga yaqinlashmoqda. Shu ...
Bloglar
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...