Sobiq hokim saylovni boykot qilishga chaqirdi

Joriy yilning 7 avgust kuni O‘zbekiston liberal demokratik partiyasi O‘zbekiston prezidentligiga iqtidordagi davlat rahbari Shavkat Mirziyoev nomzodini ilgari surdi.

«Eltuz» kanalida o‘z videoblogini yuritayotgan Navoiy viloyati Konimex tumani sobiq hokimi, 70 yoshli qishloq xo‘jaligi mutaxassisi Ismoil Ospanov e'tiborini ayni shu voqeaga qaratdi.

“Nihoyatda kulgili masala. Liberalizm nima ekanini Mirziyoevning o‘zi bilarmikin? Birorta liberal qadam tashladimikin siyosatda”, deya ritorik savollar qo‘yadi Ospanov.

O‘zining navbatdagi chiqishida u muxlislarini prezident saylovida Shavkat Mirziyoevga ovoz bermaslikka yoki umuman saylovda qatnashmaslikka chaqirdi.

“Mirziyoev yana besh yil o‘tiradigan bo‘lsa, (o‘tiradiyam albatta) bu tizim o‘zgarmaydi. Siz bilan bizning qiladigan ishimiz, qo‘ldan keladigan ish – saylovga bormaslik. Bu sizning prezidentni men saylamaganman, deyishingizga axloqiy imkoniyat beradi”, dedi Ospanov o‘z videochiqishida.

Eltuz.com