Cekulyar davlat ko‘zini shamg‘alat qilish

Yuksalish maktabining gender ayirmachilikka asoslangan boshqaruvi haqidagi maqolaga o‘quvchilar ikki xil munosabat bildirdi. Bir suruv o‘quvchilar bu tuxmat deb ayuhannos soldi. Yana shuncha obunachilar maktabdagi gender ayirmachiligi rost ekanini tasdiqladi.

Kishilar o‘ziga yoqmagan, rost ma'lumotga nisbatan “bu tuhmat”, “buyurtma” va boshqa asossiz haqoratlar yog‘dirishi tabiiy himoya mexanizmi. Biroq vaziyatga sovuq qarab, “Yukaslish”ning ijtimoiy tarmoqdagi faoliyatini kuzatsak maktabda ta'limga diniy tus berilishini ko‘ramiz. Bu yondashuv hatto reklamalarda, o‘qituvchilarning tashqi ko‘rinishida yaqqol aks etadi.

Reklamalarda asosan erkak jamoa e'tibor markazida. Qiz bola o‘quvchilar esa maktabda pishiriq sotish chellenjini uyushtiradi. Urg‘u faqat shakl-shamoyil, tashqi ko‘rinishga berilgan.

Psevdo-psixologlar, motivatorlar sahnasiga aylangan “Yuksalish” maktabi Milliy gvardiya bilan aloqalar o‘rnatdi. Gender separatizm, ta'limga yuzaki motivatsiya va tashqi ko‘rinish prizmasidan qarovchi Muhammadali Eshonqulov qo‘mondon o‘rinbosari Sarvar Mamayusupov bilan uchrashdi. Direktor nazarida uchrashuv “Yuksalish” legitim, sekulyar maktab deyish uchun asos bo‘ladi.

Muhammadali Eshonqulov Milliy armiya qo‘mondoni bilan ham uchrashishi mumkin. Istasa DXX raisi bilan birga suratga tushsin. Bu haqiqatni aslo o‘zgartirmaydi – “Yuksalish” gender ayirmachiligiga asoslangan, passiv din targ‘ibotchilarini to‘plagan maktabligicha qolaveradi.

Rassom Tuz sahifasidan