Cекуляр давлат кўзини шамғалат қилиш

Юксалиш мактабининг гендер айирмачиликка асосланган бошқаруви ҳақидаги мақолага ўқувчилар икки хил муносабат билдирди. Бир сурув ўқувчилар бу тухмат деб аюҳаннос солди. Яна шунча обуначилар мактабдаги гендер айирмачилиги рост эканини тасдиқлади.

Кишилар ўзига ёқмаган, рост маълумотга нисбатан “бу туҳмат”, “буюртма” ва бошқа асоссиз ҳақоратлар ёғдириши табиий ҳимоя механизми. Бироқ вазиятга совуқ қараб, “Юкаслиш”нинг ижтимоий тармоқдаги фаолиятини кузатсак мактабда таълимга диний тус берилишини кўрамиз. Бу ёндашув ҳатто рекламаларда, ўқитувчиларнинг ташқи кўринишида яққол акс этади.

Рекламаларда асосан эркак жамоа эътибор марказида. Қиз бола ўқувчилар эса мактабда пишириқ сотиш челленжини уюштиради. Урғу фақат шакл-шамойил, ташқи кўринишга берилган.

Псевдо-психологлар, мотиваторлар саҳнасига айланган “Юксалиш” мактаби Миллий гвардия билан алоқалар ўрнатди. Гендер сепаратизм, таълимга юзаки мотивация ва ташқи кўриниш призмасидан қаровчи Муҳаммадали Эшонқулов қўмондон ўринбосари Сарвар Мамаюсупов билан учрашди. Директор назарида учрашув “Юксалиш” легитим, секуляр мактаб дейиш учун асос бўлади.

Муҳаммадали Эшонқулов Миллий армия қўмондони билан ҳам учрашиши мумкин. Истаса ДХХ раиси билан бирга суратга тушсин. Бу ҳақиқатни асло ўзгартирмайди – “Юксалиш” гендер айирмачилигига асосланган, пассив дин тарғиботчиларини тўплаган мактаблигича қолаверади.

Рассом Туз саҳифасидан