Tilni yuqoridagilarga «til tekkizmay» himoya qilish mumkinmi?

«Milliy tiklanish» gazetasi o‘z muassisi bo‘lmish shu nomdagi partiya o‘zbek tilining sofligini saqlash, adabiy til me'yorlari va qoidalariga amal qilishga katta e'tibor qaratayotganini iddao qiladi.

Gazetaning bildirishicha, partiya vakillari tomonidan Toshkent viloyatida o‘tkazilgan o‘rganishlar davomida o‘zbek adabiy tili me'yorlari va qoidalari buzilishlarga yo‘l qo‘yilgani holatlari aniqlangan.

Xususan, ko‘plab tashqi reklamalarda va peshlavhalarda o‘zbek tiliga xos bo‘lgan harflar (q, g‘, o‘, h) noto‘g‘ri yozilgan. Parkent tumanidagi Zarkent ota ziyoratgohi peshtoqidagi lavhaning o‘zidagina 22 ta imloviy xato mavjud.

Aslida gazetada aytilgan bunday xatolarni minglab emas, milliontalab topish mumkin. Shuning uchun asl aybni o‘zbek tili yuqori doiralarda hali ham ikkinchi darajali bo‘lib qolayotganidan izlash to‘g‘ri bo‘masmikin? Yoki «Milliy tiklanish» buni bilmaydimi?

Eltuz.com