Dayjest
6 may 2016

Ura-ura uchun berilgan mukofotlar

O‘zbekiston nashrlarida jurnalistika sohasidagi «Oltin qalam» milliy mukofoti sovrindorlari ro‘yxati e'lon qilindi.

Nashrlar bu jurnalistlar sovrinni nima uchun olganiga ham aniqlik kiritib o‘tgan.

Masalan, bosh mukofot sohibiga aylangan «Toshkent» telekanali «mamlakatimizda yuz berayotgan muhim ijtimoiy-siyosiy va sotsial-iqtisodiy o‘zgarishlarni, poytaxtda amalga oshirilayotgan ulkan bunyodkorlik ishlarini keng yoritgani uchun» sovrindor bo‘lgani aytilgan.

Boshqa sovrinlar ham «yoshlarni vatanparvarlik ruhida tarbiyalash», «mamlakatimiz ma'naviy hayotida yuz bergan ulkan yangilanishlarni jamoatchilikka keng targ‘ib etish», «tinchlik-osoyishtalikni ta'minlashda mahallalarda amalga oshirilayotgan ishlar», «yoshlarga oid davlat siyosati»ni keng yoritgani uchun berilgan.

Tanlov g‘oliblari ham «jurnalistlarni davlatimiz rahbari, hukumatimiz doimo qo‘llab-quvvatlab kelayotganidan minnatdor» ekanini yashirmagan.

Matbuot yo‘nalishi bo‘yicha birinchi o‘rin olib berilgan «Ma'naviy hayot» jurnali bosh muharriri, aslida missiyasi xalq vijdoni bo‘lishi kerak bo‘lgan shoirlar qatlami vakili Eshqobil Shukur esa o‘zbek jurnalistlari haqiqatgo‘y ekanini iddao qiladi.

«…O‘zini turli ma'naviy tahdidlardan himoya qila olgan xalq o‘z vatanini himoya qilgan bo‘ladi. Bu o‘rinda jurnalistlarimizning haqiqatgo‘yligi, xolisligi, vijdoni uyg‘oqligi, el-yurtiga muhabbati katta ahamiyat kasb etadi», deydi shoir.

Yuqoridagilardan kelib chiqib, bu mukofot amaldagi hukumat chizgan chiziqdan chiqmaydigan jurnalistlarga tashlangan suyakdir, degan xulosaga kelish mumkin.

Eltuz.com

Tag‘in o‘qing
4 avgust 2022
Qo‘limizga tushgan bir dasta hujjatlar O‘zbekistonda qishloq xo‘jaligi kimlarning qo‘lida qolgani-yu, nimalar bo‘layotganini ro‘y-rost ko‘rsatib qo‘ydi. Agar Ginnesning firibgarlik, ...
4 fevral 2019
Toshkent shahri hokimi Jahongir Ortiqxo‘jaev o‘tgan hafta matbuot anjumanida Tashkent City qurilishiga o‘zining shirkati investorlik qilayotanini tasdiqladi. «Bu mening ...
17 fevral 2020
Joriy yilning 7 fevralida “Mikrokreditbank” boshqaruvi raisligiga Orif Bo‘taev tayinlandi. Undan oldingi rahbar Murodilla Eshmatov joriy yilning 17 yanvarida ...
10 yanvar 2020
2020 yil 8 yanvar kuni jinoyat ishlari bo‘yicha Toshkent shahri Chilonzor tumani sudida kollej o‘quvchilari Maqsud Qosimov va Azizbek ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...