Xalq ShHT uchun prezidentga minnatdorlik bildiryaptmi?
O‘zbek nashrlarida chop etilgan ushbu ekspress-so‘rov natijalariga ko‘ra, «O‘zbekiston aholisi ShHT davlat rahbarlari kengashining yubiley sammiti mamlakatimiz poytaxtida o‘tkazilayotgani bilan faxrlanadi».
Eng asosiysi, «mamlakatimiz aholisi prezidentimiz tomonidan ShHT faoliyatining barcha yo‘nalishlari bo‘yicha ilgari surilgan tashabbuslarni yuksak baholaydi».
Ammo so‘rov tashkilotchilari oddiy aholi prezidentning biror tashabbusini eslay oladimi yoki bu haqda tasavvurga egami, degan savolga negadir javob bermagan.
ShHT sammiti arafasida «Toshkentning tashqi qiyofasida ro‘y berayotgan o‘zgarishlar sizga yoqdimi?» degan savolga so‘rov qatnashchilarining 81,5 foizi ijobiy javob beribdi.
Qiziq, bu savolga sammitga tayyorgarlik bahonasida do‘konlari, uylari buzilgan fuqarolar, tirikchilik bahonasida poytaxtga kelib, propiskasi yo‘qligi uchun militsiya xodimlari tomonidan quvg‘inga uchrayotgan, talanayotgan kishilar qanday javob bergan ekan?
Eltuz.com