Ko‘zqarash
30 may 2016

Bosh vazirning yo‘lini to‘sgan militsioner

Farg‘ona shahrida o‘tgan “Universiada” sport musobaqalarining eng qiziq voqeasi albatta, yoshgina militsionerning mamlakat bosh vaziri Shavkat Mirziyoevning yo‘lini to‘sgani bo‘ldi.

Farg‘onadagi Olimpiya zahiralari kollejida musobaqalarning gandbol, dzyudo, boks, erkin kurash, yunon-rum kurashi kabi turlari o‘tkazildi.

Xavfsizlik choralari qattiq ko‘rilganligi bois, musobaqalarga kirish uchun ichki ishlar vazirligi tomonidan berilgan ruxsatnomalar ya'ni beyjiklar bilan birga pasport ham talab etildi.

Militsionerlarga kim kelsa ham pasport va beyjigini yaxshilab tekshirib, sumkasini ko‘rib, keyin o‘tkazish haqida qattiq buyruq berilganligi bois, ular ham o‘z ishlarini “sidqidildan” ado etishayotgan mahal bir gala shotirlari qurshovida bosh vazir kirib kela boshladi.

Militsioner o‘z boshlig‘idan maqtov eshitish uchun u kishini ham yo‘lini shart to‘sib “qani ruxsatnomangiz va pasportingiz” deya savolga tutdi.

Viloyat hokimi, prokurori, vazirlar ham “taxta” bo‘lib qolishdi. Militsionerning boshlig‘i uni nariroqqa olib ketdi.

Yaxshilab o‘ylab qaralsa, yosh militsionerda ham ayb yo‘q. U bechora buyruqni bajardi xolos. Undan tashqari Shavkat Mirziyoev xalqning oldiga chiqib, televizorda ko‘rinib, gazeta-jurnallar muqovasini bezab tursa ekanki, uni yoshu qari birdek tanisa.

Bosh vazir hech qachon televizorda chiqmaydi, rasmi biror gazeta yo jurnalda bosilmaydi. Shunday bo‘lgach, xalq uni qaerdan tanisin. Xalq televizorga chiqadigan radioda ovozi kunda kunora eshitilib turadigan artistni taniydi-da. Militsioner bechora o‘sha xalqning bir vakili xolos.

Men bu voqeaga tasodifan guvoh bo‘ldim. Hozir rosa militsionerga achinyapman. Bechora buyruqni halolu pok, bekamu ko‘st bajaraman deb ishsiz qoldiyov.

Nasima Davron qizi
Eltuz.com

Tag‘in o‘qing
15 aprel 2020
1784 yilning 15 aprelida kunduzi soat ikkida mister Rosso va 10 yashar nog‘orachi bolakay Irlandiyaning Dublin shahridan aerostatda havoga ...
3 dekabr 2018
O‘zbekistonda internet tezligi 1 dekabrdan boshlab o‘n barobar oshilishi haqida va'da berilgan edi. 30 noyabr kuni «O‘zbektelekom» AK xalqaro ...
16 oktyabr 2020
Azizlarim, og‘a, ini, opa, singil, katta va kichiklarim. Mana, yana uchrashdik. Oldingi uchrashuvimizdan beri 168 soat o‘tibdi. Yetti marta ...
23 dekabr 2016
Chilonzor tumani “Tinchlik” masjidining imom xatibi Shermurod Tog‘ay (Alisher domla) o‘zining Munisa Rizaeva haqidagi chiqishi yuzasidan yozilgan tanqidiy munosabatga ...
Bloglar
8 fevral 2025
Shu paytgacha «Anora» degan ikki film olindi. Bittasi yetim qizning ashlachi bo‘gani haqida¸ yana bittasi ...
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...