Oqni qora deydigan zamonlar o‘tib ketdimi?

Navro‘z mavzusini davom ettirgan «Adolat» gazetasi bu bayram eskilik sarqiti, diniy marosim sifatida taqiqlangan, hatto kommunist amaldorlar qishloqma-qishloq yurib, sumalak to‘la doshqozonlarni ag‘darib tashlagan zamonlar bo‘lganini iddao qiladi.

«Oqni qora, qorani oq deydigan zamonlar qo‘rqinchli tush kabi o‘tib ketdi. Biz endi sog‘lom aql, tafakkur, ong-shuur va yuksak ma'naviyat hukmronlik qilayotgan, erkinlik va adolat ustuvor yurtda… inson qadrlanadigan, uning huquqlari kafolatlangan… o‘lkada istiqomat qilyapmiz», deydi gazeta.

Umuman, maqolani o‘qiboq, oqni oq, qorani qora deydigan zamonlar hali o‘tganga o‘xshamaydi-ku, degan fikr kechadi xayoldan.

«Biz bugun yorug‘, farovon o‘lkada… hayot kechirmoqdamiz», degan so‘zlar kunlab chirog‘i yonmaydigan, oilasini boqish uchun xorijda oylab-yillab xo‘rlanib mehnat qilayotgan vatandoshlarimizga tuhmatdek tuyuladi.

Eltuz.com