Pushkinxonlik tadbirida Shekspir asari namoyish etildi

Farg‘ona shahrining Farg‘onadagi istirohat bog‘ida o‘tkazilgan Pushkin tavalludiga bag‘ishlangan tadbir Shekspirning “Romeo va Juletta” asari asosida sahnalashtirilgan tomosha bilan yakunlandi.

-Har bir tuman va shahardan rus tilini yaxshi biladigan bir nafar o‘quvchi, bir nafar rus tili o‘qituvchisi, RayONO metodisti ishtirok etishi shart bo‘lgan tadbirda o‘quvchilar Pushkin she'rlaridan o‘qib, uning hayoti va ijodi haqida yig‘ilganlarga ma'lumot berishdi,- dedi tadbir mas'ullaridan biri.

Uning Eltuz.som nashriga bildirishicha bildirishicha, shoir ijodida mavzular ko‘lami g‘oyat keng. Vatan, baxt va quvonch, yoshlik, muhabbat baland pardalarda kuylangan. Pushkin asarlari Cho‘lpon, Usmon Nosir, Hamid Olimjon, Zulfiya, Abdulla Qahhor, Mirtemir singari o‘zbek shoir va yozuvchilari tomonidan o‘zbek tiliga tarjima qilingan.

Jahon adabiyotining buyuk namoyandalari qatori Pushkin ijodi, adabiy merosi O‘zbekistonda yuksak qadrlanadi. Umumta'lim muassasalari, oliy o‘quv yurtlarida shoir asarlari o‘rganiladi.

Biroq tadbir mutasaddilari, Pushkinning boshqa bir davrda, boshqa bir mamlakatda, boshqa bir kunda tavallud topgan angliyaning buyuk adibi Shekspirga nima dahli borligiga izoh berishmadi, balki bu O‘zbekistonda xalq tanigan Shekspir, Bayron, Balzak, Gomer singari daholar tavalludiga bag‘ishlangan kunlarningham o‘tkazilishiga ehtiyoj sababidandir.

Nasima Davron qizi
Eltuz.com