Muhammad Bekjon jazo izolyatoriga tashlandi

17 yildan buyon qamoqda qolayotgan taniqli jurnalist, 62 yoshli siyosiy mahkum Muhammad Bekjon jazo izolyatoriga tashlangan va uning muddati uzaytirilishi mumkin.

Muhammad Bekjonning yaqin qarindoshlariga ko‘ra 13 dekabr kuni ular mahkumni ko‘rish uchun Zarafshon turmasiga borishgan.

Biroq, turma xodimlari Muhammad Bekjon bilan o‘ninchi yanvarga qadar uchrashish mumkin emasligi, uning izolyatorga tushganini bildirishgan.

Nima uchun Muhammad Bekjonning jazo xibsxonasiga tashlangani haqidagi savolga turma xodimlari aniq javob bera olishmagan.

2011 yili ozodlikka chiqishiga bir oy qolganida unga uydirma ayblar qo‘yilib jazo muddati 4 yilu 8 oyga uzaytirilgan edi, bu muddat 2017 yilning fevralida, ya'ni ikki oydan so‘ng tugashi kerak edi.

Bugun esa siyosiy mahkum va jurnalistning tag‘in raskrutka qilinishidan havotir paydo bo‘ldi.

U muxolifatdagi «Erk» demokratik partiyasi rahbari Muhammad Solihning ukasi va «Erk» ro‘znomasining sobiq bosh muharriri bo‘lgani uchun uzoq yillardan beri qamoqda qolmoqda.

Muhammad Bekjon 1999 yildagi Toshkent portlashlari ortidan Kievdagi uyidan o‘g‘irlab ketilgan va portlashlarga aloqadorlikda aybdor, deb topilib, ozodlikdan mahrum etilgan edi.

Eltuz.com