Asosiy mavzular
13 yanvar 2017

Xokimga yoqsang portalga ishga kirasan

Karimov o‘limidan so‘ng keng urf bo‘lgan Virtiual qabulxona ortidan, har bir tumanda Xalq qabulxonalari tashkil etila boshlandi.

Xalq qabulxonasida ishlashga talabgorlardan birining Eltuzga bildirishicha, ayni mansabga nomzodlar oldin viloyat hokimi Sh.G‘aniev suhbatidan o‘tishi kerak.

Unga ko‘ra, birgina Beshariq tumanidan hokimga 19 kishining ob'ektivkasi taqdim qilingan.

Keyin ulardan viloyat hokimi bilan suhbatga uch kishini tanlangan.

“Uch kishi ertasi kuni yana viloyat hokimligiga suhbatga bordik. Ammo bizni sovuq xonaga kiritib qo‘yishdi. O‘sha yerda selektor majlisi tugashini kutib tungi 11,30 gacha o‘tirdik. Ammo hokim bizni o‘sha kuni suhbatga chaqirmadi. Ovora bo‘lganimiz qoldi”, deydi Eltuz manbasi.

Uning so‘zlariga ko‘ra, hokim ikki kun avval umumiy yig‘ilish o‘tkazgan.

O‘sha yig‘ilishda bu qabulxona shaxsan Prezident tashabbusi bilan ochilayotgani, qabulxonaning xodimi Prezident apparati xodimi hisoblanishini aytgan.

“Hatto oylik ham yuqori to‘lanarmish”, – dedi boshqa bir manba.

Uning so‘zlariga ko‘ra, shuning uchun talabgorlar ham ko‘paymoqda. Ba'zilar “chiqimi” bo‘lsa ko‘tarishini ham aytmoqda.

“Nomzodlar bu ishni “yog‘liqqina” deb o‘ylashyapti”, – deya so‘zlarini davom ettirdi Eltuz.com bilan suhbatlashgan nomzodlarning biri.

Nomzodlarning aytishicha, hokim bilan shaxsan suhbatga ularni hokimlik tashkiliy ishlar bo‘limi rahbari tayyorlamoqda.

O‘zbek faoli Umida Niyozovaning fikricha:

“Aholi shikoyatlari uchun yana bir byurokratik idoraning yaratilishi mantiqsizlikdir. Mirziyoev virtual qabulxonasiga minglab shikoyatlarning yog‘ilishi turli idoralarning odamlar muammolarini hal qilishdan ojizligini ko‘rsatdi.

Prokuratura, soliq nazorati, sud va boshqa idoralar odamlarga yordam berish uchun emas, shaxsiy boylik orttirish uchungina ishlaydi. Yana bir shunday tizilmaning yaratilishi byudjet ustiga qo‘shimcha moliyaviy yuk bo‘lib qo‘shiladi va jami davlat apparati ishini o‘zgartirmay turib yetilgan muammolarni yechishga qodir emas”

Nasima Davron qizi
Eltuz.com

Tag‘in o‘qing
9 iyul 2018
Kattaqo‘rg‘onda militsiya kapitanining ayol kishini qip yalong‘och qilgan holda tahqirlagani o‘zbek jamiyatida juda katta shov-shuvga sabab bo‘ldi. Karimberdi To‘ramurod ...
12 aprel 2018
Davlat to‘ntarishida ayblanayotgan jurnalist Bobomurod Abdullaev va yana uch nafar shaxs ustidan 11 aprel kuni davom etgan mahkamaga MXX ...
20 sentyabr 2017
19 sentyabr kuni Farg‘ona viloyatidagi Oliy o‘quv yurti talabalariga paxta terimi munosabati bilan o‘qish to‘xtatilgani bildirilib, tushlikda uylariga ketishga ...
Bloglar
28 may 2020
Bosh prokuratura koronavirus tarqalishi silsilasini aniqlash oson bo‘lishi uchun fuqarolardan kundalik tutishni so‘raganida ba'zilar buni ...
25 may 2020
“Bi-Bi-Si” radiosi o‘zbek xizmati jurnalisti Muhammad Solihga: “Koronavirus pandemiyasi payti shunday chiqish qilishingiz o‘rinlimi? Buning ...
18 may 2020
1914 yilning 18 mayi deya tarix yozilgan bu surat markazida turgan Abdullabekning evarasi, shu kunlarda ...