Asosiy mavzular
21 may 2017

O‘zbek qizini turk jazmani o‘ldirib jasadini musorga tashladi

Turkiyaning Istanbul shahri Fotih tumani Qumqopi mahallasida 35 yashar O‘zbekiston vatandoshi Dildora Inomovani o‘ldirib jasadini musorga tashlagan muhtamal qotil hibsga olindi.

Turkiyadagi Hurriet gazetasining yozishicha, tergov paytida 28 yashar Yilmaz Ëvuzarslon o‘z o‘ynashi Dildora Inomovani o‘ldirganini bo‘yniga oldi. (Suratda: Y.Yovuzarslonni qo‘lga olish payti, Hurriet)

4 farzandning otasi bo‘lgan Yilmaz Ëvuzarslon yashirin sevgi munosabatlari fosh bo‘lmasligi uchun Dildorani o‘ldirganligini sabab o‘laroq ko‘rsatgan.

Dildora Inomova

Tergov hujjatlariga asoslangan mahalliy turk matbuotining yozishicha, O‘zbekiston vatandoshi Dildora Inomova bir necha yildan beri Yilmaz Ëvuzarslonning o‘ynashi bo‘lgan.

Jinoyat yuz bergan kuni o‘zbekistonlik ayol, birgalikda tushgan rasmlarini xotiniga yuborishini aytib, o‘ynashiga tahdid qilgan. Ikki o‘rtadagi janjal jinoyat bilan tugagan.

Jomadondagi jasad

Dildora Inomovaning jasadi bir necha kun avval axlat konteynerida, chamadonga solingan holda topilgan edi. Kuzatuv kameralari tasvirlarini tekshirgan turk politsiyasi besh kundan keyin qotillikda gumon qilingan shaxsni topishga muvaffaq bo‘ldi.

Turk matbuotining yozishicha, Yilmaz Ëvuzarslon avvaliga Inomovani kaltaklagan, keyin oshxonadan oshpichoq olib chiqib, to‘rt marta pichoqlagan.

Dildoraning joni uzilmaganligini ko‘rgan ma'shuq uni to o‘lgunicha bo‘g‘ib turgan. O‘lganidan keyin qo‘l-oyoqlarini bog‘lab xaltaga solgan. Xaltani esa chamadonga solgan ko‘chadagi ahlat qutisiga tashlagan.

Turk politsiyasi o‘z tasarrufida, Yilmaz Ëvuzarsloning chamadonni yelkasida ko‘tarib kelib musor konteyneriga tashlagani aks etgan videotasvirlar borligini matbuotga bildirgan.

Qotillik yuzasidan tergov harakatlari olib borilmoqda.

Eltuz.com

Tag‘in o‘qing
1 mart 2020
“Abdurahmon men bilan quchoqlashib ko‘rishdi, hol-ahvol so‘rashdi. – Muhammad aka, siz meni eslamasangiz kerak, men Nazar Eshonqulning jiyani Abdurahmon ...
23 mart 2020
O‘zbek kinorejissyori Sarvar Karimov 21 mart kuni o‘zining feysbuk sahifasida “Sarviqomat dilbarim” filmidagi o‘pishish sahnalari va ayrim titrlar kesib ...
5 may 2020
Xalq artisti Yulduz Usmonovaning xatti-harakatlari va ichki ishlar xodimlarini haqoratlagani yuzasidan ma'muriy ishlar bo‘yicha Mirzo Ulug‘bek tumani sudi shug‘ullanmoqda. ...
15 oktyabr 2018
Ijtimoiy tarmoqda Jurnalistika universiteti rektori, Xalqaro press-klub raisi Sherzod Qudratxo‘jaevning paxta terayotgani aks etgan fotosuratlar paydo bo‘ldi. Birinchi rasmda ...
Bloglar
27 yanvar 2021
Darvozani tambalamagan ekanman. Chiroq yo‘q edi. O‘rnimda cho‘zilib, ko‘zimni yumib yotgandim. To‘satdan hovlimdan ayollarning bir-biri ...
27 yanvar 2021
“Eltuz” qisqa hajviy animatsion filmlar turkumini davom ettiradi. Navbatdagi filmda buldozer daraxtzorni surib tashlaydi va ...
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...