Catira
29 noyabr 2021

Xizmatkorni erkalatsang… yoki shved bosh vaziri qanday mashinada yuradi?

Shvetsiya bosh vaziri o‘z mamlakatida xizmat mashinasiga ega yagona siyosatchi. Qolgan mulozimlar ishga o‘z mashinasi, velosipedi yoki tramvayda boradi. Xalqi qashshoq bo‘lgan mamlakatlar mulozimlari qimmat mashinalarda yuradi. Masalan, O‘zbekiston Oliy sud raisi uchun kamida 6 mashina xizmat qiladi. Ulardan birining narxi 150 ming dollar.

Ammo Shvetsiya mulozimlari o‘ta kamtar ramka ichiga qamalgan. Masalan, butun bir shved parlamentida bittagina odamda xizmat mashinasi bor. Shvetsiya bosh vaziri Stefan Lyovenga xizmat maqsadida mashina biriktirilgan. Mabodo bu mashina bosh vazirning xotinini sartaroshxonaga olib borsa, qiyomat qo‘padi. Eng kamida bosh vazir iste'foga ketadi.

Shvetsiya bosh vaziri Volva S80 minar ekan. Bugun reestrdan tekshirib ko‘rsam, bu mashinaning ham yili yangi emas. 4 yil minilgan ekan. Atayin 4 yil minilgan Volva S80 necha pul turarkin, deb qarasam, Germaniyada 18 ming yevroda, Shvetsiyada esa undan ham arzonga e'lon ko‘rdim. Ya'ni Shvetsiyadagi asosiy birinchi rahbar 18 ming yevrolik mashinada yurarkan.

O‘zbekiston Oliy sudi raisi esa 150 ming dollarlik Mersda. Shartta parlamentga (shved parlamenti matbuot xizmatiga) telefon qilib: «Jaa yerga urvoripsizlar-u hukumat mulozimlarini. Mening Stokgolmdagi dokumenti yo‘q chilangar do‘stim «Bentli» minadi», deya e'tiroz bildirdim o‘zimcha. Bunga javoban parlamentdagi xushmuoamala xotin: «Shved parlamenti va hukumati taksopark emas. Mulozimlar velosipedda kelsa, sog‘lig‘iga yaxshi», dedi.

Bu xotinning aytishicha, shved parlamenti a'zolariga jamoat transportida yurish uchun tekin oylik chipta berilarkan. Shved matbuotida bu imtiyozni ham bekor qilish chaqiriqlari yangrab turadi. Matbuotga ko‘ra, mulozimlar xizmatkordir. Xizmatkorni erkalatsang, sendan oldin to‘rga chiqarkan.

Rassom Tuz

Tag‘in o‘qing
1 may 2016
O‘zbekistonda eng oliy hukumat izni bilan yagona monopolist pereferentsiyasi berilgan «General motors» ustamalariga boshqa «o‘g‘riboshi» egalik qilishi rejalangan ko‘rinadi. ...
12 iyul 2017
Andijonda havo harorati ko‘tarilgan sayin odamlar favvoralar yoni va suv bo‘ylariga o‘zini urmoqda, ob havo darajasi haqidagi rasmiy ma'lumotlarga ...
1 dekabr 2016
Farg‘ona viloyatining har bir tumanda Shavkat Mirziyoevga ovoz berishi uchun saylovchilarga kalish, atlas, adras matolari tarqatilmoqda. Eng qizig‘i bu ...
30 sentyabr 2016
Moskvadagi “Fuqaroviy ko‘mak” tashkiloti rahbari Bahrom Hamroevning Moskvadagi uyiga qo‘ng‘iroq qilgan eltuz.com nashri muxbiri, uning turmush o‘rtog‘i bilan gaplashib, ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...