O‘zbekiston birinchi prezidentining haykali yiqitildi

Angren shahrida O‘zbekistonning sho‘rolar davrida ilk prezidenti bo‘lgan Yo‘ldosh Ohunboboevga o‘rnatilgan haykal buzib tashlandi.

Bu haqda 29 may kuni Asiaterra.info nashri xabar berdi.

Yo‘ldosh Ohunboboev O‘zbekiston SSRning ilk prezidenti bo‘laroq, uni 18 yil boshqargan.

Sovet manbalarida, uning 1885 yil Farg‘ona viloyatining Marg‘ilon shahrida kambag‘al dehqon oilasida tug‘ilgani, boyga batrak bo‘lib chorakorlik qilgani aytiladi.

1916-17 yillardagi qo‘zg‘olonlar va fuqarolar urushida Oxunboboev Qizil bolsheviklar tomonida turib qatnashgan.

1925 yilning fevralida, O‘zbekiston SSR Kompartiyasi ta'sis qurultoyida Markazqo‘m hay'atiga saylangan.

1938 yildan to 1943 yil, o‘limiga qadar O‘zbekiston SSR Oliy Kengashi Prezidiumi raisi (prezidenti) bo‘lgan.

Bundan bir necha o‘n yil avval Angren shahridagi Oxunboboev nomidagi istirohat bog‘iga o‘rnatilgan haykal muallifi Abdumo‘min Boymatovdir.

Bugun shahardagi Ohunboboev nomidagi istirohat bog‘idan asar ham yo‘q.

Birinchi Prezident haykali o‘rnida esa faqat uning shahsupasi qolgan.

Eltuz.com