Asosiy mavzular
1 oktyabr 2017

Toshturmadan ozod bo‘lgan yozuvchi «Eltuz»ga suhbat berdi

«Eltuz» muxbiri Toshturmadan ozod etilgan yozuvchi Nurullo Otaxonov bilan so‘zlashishga muvaffaq bo‘ldi.

Endigina qamoqdan uyiga kelib turgan 63 yashar yozuvchi “Eltuz” muxbiri bilan suhbatda “erkinlikka qovushish kutilmagan tarzda yuz bergani” aytdi:

«Men kutmagandim, ichkarida o‘tirib bilmagandim shunday katta harakatlar bo‘lib ketishini, o‘zimga kelib olay keyin bir bayonot beraman», deya ta'kidlaydi sevinchga to‘lgan yozuvchi.

Yaqinlariga ko‘ra, Nurullo Otaxonovni 1 oktyabr kuni Yashnabod tuman Ichki ishlar bo‘limi boshlig‘ining shaxsan o‘zi uyi eshigi oldigacha olib kelib qo‘ygan.

Yozuvchi o‘zining ozod etilishiga ijtimoiy tarmoqda keng miqyosda boshlab yuborilgan aktsiyalar sabab bo‘lganini”Eltuz” muxbiri bilan suhbat asnosida e'tirof etdi.

Ayni paytda yozuvchi zimmasidan unga qo‘yilgan ayblar soqit qilingani haqida aniq ma'lumot yo‘q.

28 sentyabr kuni o‘tgan brifingda Toshkent shahar IIB Tergov boshqarmasi boshlig‘i Doniyor Toshxo‘jaev, yozuvchi Nurillo Otaxonovga 11 may kuni sirtdan jinoyat kodeksining 159-moddasi (Konstitutsion tuzumga tajovuz) bo‘yicha jinoyat ishi ochilganini bildirgan edi.

Mulozimga ko‘ra, yozuvchiga 159 moddaning 1 qismi, 244-1 moddaning 3 qismi, «g» bandi yuzasidan tergov amaliyoti o‘tkazilgan, shuningdek sirtdan qamoqqa olish chorasi belgilangan va qidiruv e'lon qilingan.

Brifingda shuningdek Toshxo‘jaev, hozircha surishtiruv davom etayotgani, kerak bo‘lsa qo‘shimcha ekspertiza tayinlanishini. Agar sudlanuvchining aybi tasdiqlanmasa yoki uning harakati amnistiya aktiga tushadigan bo‘lsa qonunga ko‘ra qaror qabul qilinishini aytgan edi.

27 sentyabr kuni Turkiyadan Toshkentga kelgan 63 yashar yozuvchi qo‘liga kishan solinib, transport prokuraturasi talabi bilan Yashnaobod tuman ichki ishlar bo‘limiga olib ketilgan edi, oradan ko‘p o‘tmay u Toshturmaga o‘tkazildi.

Nurilla Otaxonov Toshkentga qaytish arafasida «Eltuz» nashriga bergan intervyusida prezident Mirziyoevning va'dalaridan ruhlanib qaytishga chog‘langanini bildirgan edi.

«Eltuz» nashri voqeani kuzatishda davom etadi.

Eltuz.com

Tag‘in o‘qing
7 aprel 2020
«Eltuz» rassom Kirpining koronavirus karantini turkumidan yangi karikaturasini taqdim etadi.
8 oktyabr 2018
O‘zbekiston prezidentining matbuot kotibi va uning ma'muriyati rahbari o‘rinbosari Komil Allamjonovning kutilmaganda lavozimidan ozod qilinishi ortidan bu shaxs to‘g‘risida ...
11 fevral 2019
DXX raisi Ixtiyor Abdullaevning lavozimidan bo‘shatilib, o‘rniga Abdusalom Azizovning tayinlanishini 11 fevral kuni Londondagi Sharq va Afrika tadqiqotlari instituti ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan yuvvosh yigit bo‘lib qoladi. ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...