Asosiy mavzular
10 oktyabr 2017

Terim bois Andijonda «Damas»lar kira haqi oshdi, bozorlar yopiq

10 oktyabr kuni Andijonda paxta kampaniyasi bois, shahar qatnovidagi «Damas»larning kira haqi 2000 so‘mga chiqdi, deya xabar beradi «Eltuz» muxbiri.

Andijon. IIB va DAN xodimlari majburiy terimchilarni jo‘natish uchun, majburiy haydovchi izlamoqda. «Eltuz» fotosi

Unga ko‘ra, DAN xodimlari hususiy qatnovdagi «Damas» mashinalarini to‘xtatib, ularning hujjatlarini olib qo‘yib, ularni paxtaga odam tashishga majbur qilmoqda.

Paxta terimiga o‘qituvchi va mediklardan tashqari bozorlardagi tadbirkorlar ham jalb qilingan. Andijon «Jahon bozori» oziq-ovqat rastalari ham paxta terimi bois berkilgan.

Ayni paytda «Yangi bozor» tadbirkorlari shahar markazidan 12 kilometr uzoqda joylashgan Izboskan tumani, Poytug‘ shaharchasi hududida paxta terishmoqda.

 

Andijon «Jahon bozori»dagi oziq-ovqat do‘konlari yopilgan. «Eltuz» fotosi

Shu kungacha tabdirkorlardan bozor ma'murlari yordamida faqat yollanma terimchilar uchun pul undirilib kelinayotgan edi, o‘tgan payshanbadan boshlab endi ular ham terimga olib chiqilmoqda.

Qatnovdagi «Damas» mashinalarining sezilarli kamaygani, yo‘lkiraning qimmatlagani bois, yo‘lovchilarning g‘azabi ortmoqda.

«Lafzi bormi hokimning! Paxta terimiga majbur qilish jinoyat, degan gapi qaerda qoldi?» deydi bozordan harajat qila olmagani ustiga, uyiga qaytishga mashina topa olmayotgan andijonlik «Eltuz» muxbiriga.

22 sentyabr kuni Andijon viloyat hokimi Shuhratbek Abdurahmonov majlis o‘tkazib, maktab va kollej o‘qituvchilari, o‘quvchi va talabalari hamda tibbiyot xodimlarining dala mehnatiga jalb etilishi jinoyat ekanini bildirgan edi.

«Eltuz»ning Andijondagi muxbiri ayni paxta terimi bilan bog‘liq voqealarni o‘rganishda davom etmoqda.

Eltuz.com

Tag‘in o‘qing
28 noyabr 2019
Turkiyada yashayotgan O‘zbekiston «Erk» demokratik partiyasi lideri Muhammad Solih 27 noyabr kuni «Nastoyashee vremya-Aziya» TV dasturi uchun bergan intervyusida ...
2 dekabr 2016
Ayrim viloyat gazetalari ehtiyotkorlik bilan imkon qadar dadillikka qo‘l urayotganga o‘xshaydi. Samarqandda chop etiladigan «Zarafshon» gazetasining internetdagi sahifasida bu ...
30 iyun 2016
Turkiya Ichki ishlar vazirligi tarqatgan ma'lumotga ko‘ra, Terrorchilardan biri O‘zbekiston vatandoshi. Yana biri esa Rossiya Federatsiyasining Dog‘iston respublikasidan yana ...
1 aprel 2021
Qirg‘iziston Milliy xavfsizlik davlat qo‘mitasi raisi Qamchibek Tashiev 30 mart kuni O‘sh viloyatining O‘zgan tumani aholisi bilan uchrashuvda “O‘zbekiston ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...