Catira
19 oktyabr 2017

So‘z erkinligi anjumanida qamoqdagi jurnalistga oid savollarga javob yo‘q

18 oktyabr kuni Toshkentda o‘tgan Yevropada havfsizlik va hamkorlik tashkiloti (YeHHT) anjumanida jurnalist Bobomurod Abdullaev taqdiriga oid barcha savollar javobsiz qoldi.

Anjumanning Matbuot erkinligiga bag‘ishlangan ertalabki yig‘ilishida, Fergananews.com saytiga ko‘ra, jurnalist Sergey Naumov ma'ruzachidan Abdullaevning qamalishiga izoh so‘ragan.

Jurnalistlarni qayta tayyorlash markazi direktori Gulnora Bobojonova, Bobomurod Abdullaev «hibsga olingan, chunki qonunni buzgan», degan.

Nashrga ko‘ra, Abullaev ishini «sud ko‘rib chiqayotgani»ni pisanda qilib, «sud qarorigacha» bunga izox bermasligini bildirgan.

«Chegara bilmas muxbirlar» xalqaro tashkiloti vakili Yoxann Birrning bir qancha savollari ham javobsiz qoldi.

«Agar Bobomurod Abdullaev 27 sentyabrda qamalgan bo‘lsa, nega uning yaqinlari ikki kun davomida bundan mutlaqo xabarsiz qolishdi?»

«Nega jurnalist shu paytgacha advokatdan mahrum?»

«Nega yaqinlarining u bilan uchrashishiga ruxsat etilmayapti?»

Ozroq vaqt o‘tib, jurnalist Aleksey Volosevich ishtirokchining bu savollariga javob beriladimi, deya qayta so‘raganida esa Bobojonova mutlaqo «yo‘q!» deya javob berdi.

Huquq faoli Umida Niyozova «Eltuz» nashriga bu holat yuzadan o‘z fikrini bildirdi.

«Yozish huquqidan foydalanganlari uchungina jurnalistlari turmada qolayotgan mamlakatda matbuot erkinligi anjumani o‘tkazish qanchalik ahloqqa to‘g‘ri keladi?

Bu savol, qamalgan jurnalist taqdiri haqida bilmasligi mumkin bo‘lmagan YeHHTga taalluqli.

So‘z erkinligi – odamlarning hukumatga yoqish-yoqmasligidan qat'iy nazar erkin so‘zlash va yoza olishlari mumkinligini anglatadi.

So‘z erkinligining keskin savollarga javob bera olmaydigan mulozimlar rasmiyatchilik uchun o‘tkazadigan anjuman bilan hech bir bog‘liq joyi yo‘q».

Rassom Tuz
Eltuz.com

Tag‘in o‘qing
21 oktyabr 2020
Qashqadaryoning G‘uzor tumanida 21 oktyabr kuni oylik maoshlari berilmaganidan norozi GTL ENTER ENGINEERING kompaniyasi ishchilari g‘alayon ko‘tarishdi. Ijtimoiy tarmoqlarda ...
28 noyabr 2019
Turkiyada yashayotgan taniqli adib va siyosatchi Muhammad Solih shu yilning 20 dekabrida 70 yoshga to‘ladi. Muhammad Solih hayoti haqidagi ...
11 oktyabr 2015
Eltuz ilgari xabar qilganidek Jizzax viloyati G‘allaorol tumani bosh shifokori Yusuf Esirgatov Do‘stlik tuman militsiya bo‘limidagi hibsxonada ikki kun ...
5 oktyabr 2016
4 oktyabr kuni o‘z onasiga nolalari tarzida bitilgan maktubida Gulnora Karimova ekani iddao qilinayotgan Afina@zabitaya1972 akkaunti egasi uch yillik ...
Bloglar
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni ...
11 aprel 2021
«From Me to You» (Mendan senga) — Lennon va Makkartni dueti ijro qilgan zarif bir ...
8 aprel 2021
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz ...