Catira
23 noyabr 2017

Rashidov qurdirgan Kinochilar uyini Mirziyoev buzmoqda

Toshkent markazidagi Kinochilar uyi va o‘ndan ortiq ma'muriy binolar poytaxt hokimligi qaroriga binoan buzilmoqda.

«Binolar o‘rniga «ToshboshplanLITI» davlat unitar korxonasi tomonidan rejalangan “Toshkent-siti” quriladi», dedi «Eltuz» muxbiri 23 noyabr kuni suhbatlashgan toshkentlik me'mor.

Kinochilar uyi (xalq orasida «Dom kino”) 1982 yili kinochi Malik Qayumov tashabbusiga asosan, o‘sha paytdagi Sovet O‘zbekistoni rahbari Sharof Rashidovning qo‘llovida qurilgan.

O‘zbekistonda Kinochilar uyi zarurligi haqida taniqli artist Yuriy Nikulin ham Rashidov bilan uchrashuv paytida aytgani eslanadi.

Kinochilar uyi o‘zbek ziyolilari uchun g‘arb kino maktabi namunalarini tomosha qilish imkonini yaratgan ilk maskan sifatida qadrlangan.

Bino ichida haykaltarosh Azamat Hatamov va Damir Ro‘ziboevga oid haykallar, mashhur keramika ustasi Aleksandr Kedrin yaratgan mayolika panno va SSSR davlat mukofoti sohibi Bahodir Jalol ijodiga mansub “Abadiyat elchilari” degan epik monumental freska mavjud. Freska sgraffito (ital. sgraffito) texnikasida ishlangan bo‘lib, alohida badiiy qimmatga ega.

Bino qurilishida novvotrang G‘azg‘on marmari ishlatilgan.

«Bunday dargohning, undagi san'at obidalarining buzib yo‘q qilinayotgani juda achinarlidir», dedi «Eltuz» muxbiri bilan suhbatlashgan o‘zbek kinorejissyori Ulug‘bek Yo‘ldoshev.

Uning so‘zlariga ko‘ra, Toshkentdagi Kinochilar uyi har yili o‘tkaziladigan turli tadbirlar va festivallarda dunyo san'atkorlarini o‘ziga jalb qiluvchi dargoh ham edi.

«Endi ular qaerga borishsin? Chilonzordagi eski «O‘zbekfilm» pavilonigami? Bu ketishda u yerlarning ham bugun-erta buzilishi tayin», deydi Yo‘ldoshev.

Rassom Tuz
Yeltuz.com

Tag‘in o‘qing
1 dekabr 2022
Ulug‘ o‘zbek shoiri va muholifat lideri Muhammad Solih suhbatning 16-qismi millatni, o‘zlikni tanish mavzulariga bag‘ishlanadi. Shoir o‘zining 30 yillik ...
27 fevral 2019
2019 yil Yusuf Xos Hojibning 1000 yilligi, «Qutadg‘u bilig»ning 950 yilligi Qozog‘iston va Turkiya tashabbusi bilan YuNYeSKO tomonidan dunyoda ...
12 fevral 2021
Baxtibek to‘rt marta uylangan va har bir xotinidan ikkitadan farzandi bor. U allaqachon hech qaysi xotini bilan yashamaydi. Chamamda ...
6 aprel 2017
Shu yilning boshida jahon ekranlariga chiqqan «Mashxurlikka yo‘l» (Sing) filmi katta va kichik yoshdagi tomoshabinlarning nazariga tushdi. Filmda, katta ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...