Kundalik
19 yanvar 2016

Cudlanuvchining rafiqasiga qamoq bilan tahdid kilishdi…

18 yanvar kuni ertalab soat 10 da tuman xokimligiga chaqirilgan Shirin Tursinovani hokimlik binosida, xokim G‘ofur Qarshiboevning muovini Fotima Rasulova, madaniy targ‘ibot ishlari bo‘yicha xodimi Karim Totliboev, Alisher Ochilov va maxallalar bo‘yicha vakil Ra'no Zavqievalar kutib olishgan.

«Ular avvaliga meni yaxshi gaplar bilan kutib olishdi”, – deydi Shirin.

Keyin bir xonaga olib kirishib, unga Eltuzda va boshqa saytlarda chiqqan intervyularini ko‘rsatishgan.

Shirinning aytishicha, yig‘ilganlarning hammasi, uni tuman xokimi G‘ofur Qarshiboev xaqida mish mishlar va bo‘xton tarqatayotganlikda ayblamoqchi bo‘lishgan.

Lekin Shirin Tursinova ularning barcha iddaolarini rad qilgan va intervyularda rost gapirganini, tuman xokimi va turmush o‘rtog‘i o‘rtasida baliq xavzasi bilan bog‘lik mojoro ko‘p bo‘lganini aytgan.

«Nega endi xokim Ozodlikka bergan intevyusida erimni tanimasligini aytgan? Axir u kishi unda kunora Aramaisga telefon qilib gaplashardiku? Aramaisni xaftasiga 2-3 marta oldiga chaqirardi, o‘zi xam baliq xavzasiga bir necha marta kelib, Aramais bilan ko‘p gaplashardi. Buni xamma biladi. Men tuhmat qilmadim. Bu gapni xar joyda aytaman» degan Shirin xokimiyat rasmiylariga.

“Singlingizni yo‘lga soling, sud tugagunga qadar jim yursin!”

Uchrashuvdagi rasmiylar, Shirinni tinchlantirishga urinishgan va u bilan birga kelgan opasiga ta'sir o‘tkazmoqchi bo‘lishgan. «Singlingizni yo‘lga soling, sud tugagunga qadar jim yursin» deyishgan. Opasi esa ularga, bu ishda yordam bera olmasligini, Shirin o‘zining mustaqil xayotiga ega ekanligini aytgan.

Uchrashuv so‘ngida xokimiyat vakillari Shirin Tursinovani, erining aybi isbotlanmasa albatta ozod etilishi xaqida aytishib, uzatib qo‘yishadi.

Shu kunning ikinchi yarmida Shirin Tursinova Jizzax viloyat jinoiy sudida bo‘lib o‘tayotgan erining sudida qatnashdi.

Sud jarayonida jiddiy o‘zgarish

Shirinning aytishicha, bugungi sud majlisida Aramais Avakyan ancha o‘ziga ishongan xolda ko‘ringan. U guvohlarga va boshqa ishtirokchilarga bemalol savollar bergan, faktlarni aniqlashtirgan, Sudya xam, prokuror xam uni so‘zlarini bo‘lishmagan.

«Bu ancha jiddiy o‘zgarish» dedi Shirin Tursinova.

Ajablanarlisi, oxirgi sud majlisida Aramaisga qarshi ko‘rsatma bergan guvoxlar, bugungi majlisda o‘z ko‘rsatmalarini o‘zgartirishgan.

Kuzatuvchilar bu o‘zgarishlarni bir tomondan ijobiy va boshqa tomondan xavotirli deya atashmoqda.

«Aramais Avakyan ishi xalqaro matbuotda ko‘rindi, xattoki Armaniston xukumatining havotiriga sabab bo‘ldi. Mahalliy hokimning zo‘ravonligi ham ochiqlanayapti. Bu holda, rasmiylar Aramaisni ozod qilishlari ham mumkin.

Ammo, xavotirli jihati shundaki, bu kompromiss evaziga ular Aramaisning rafiqasi Shirinni qamoqqa olishlari ham mumkin.

«Chunki rasmiylar hokimning obro‘sini ham tiklashlari kerak. Buning uchun esa ular kimnidir tuxmat qilganlikda ayblab, ish ochishlari kerak bo‘ladi» deydi kuzatuvchilardan biri.

Ulug‘bek Ashur
Eltuz.com

Tag‘in o‘qing
15 may 2017
Toshkent shahar Ichki ishlar bosh boshqarmasi sayti, Xorijga chiqish, kelish va fuqarolikni rasmiylashtirish boshqarmasining nomi Migratsiya va fuqarolikni rasmiylashtirish ...
3 may 2016
Aprel oyida ham O‘zbekiston telekanallari «oqil va dono yurtboshi rahnamoligida farovon va baxtli hayot kechirayotgan, mislsiz yutuqlarni qo‘lga kiritgan ...
30 iyul 2019
Karlovi Vari o‘zbek amaldorlari va ularning banditlari uchun sevimli maskan. 2015 yilning yozi issiq keldi. Sobiq bosh o‘zbek menti ...
20 aprel 2016
Xususan, «XXI asr» gazetasining yozishicha, 2015 yilda O‘zbekiston bank tizimining jami kapitali 2014 yilga nisbatan 23,3 foiz ko‘payib, 7,7 ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...