UzPoster
4 mart 2022

Rossiyani nimalar kutyapti?

Taniqli amerikalik rus iqtisodchisining bashoratlari.
Tez orada rossiyaliklar kundalik ehtiyoj mollar tanqisligiga ro‘baro‘ bo‘la boshlashadi.
Rossiya iqtisodiyoti jahon savdosiga qattiq moslashgan. Sanktsiyalar tufayli tovarlarning kelishi nihoyatda qiyinlashadi endi.
Ular yetib kelgan taqdirda ham to‘lovlar rus so‘mida bo‘lmaydi.
Dollar bilan savdo qilishni esa taqiqlab qo‘yishgan.
Eksport daromadlari bir necha barobarga qisqaradi.
Chunki, xaridorlar Rossiya tovarlarini sotib olmay qo‘yishadi.
Hattoki, sanktsiyaga uchramagan neft shirkatlari ham, xaridor topishga qiynalib qolishadi.
Rossiya gazining eng yirik ekspotyori Gazprom allaqachon sanktsiyaga uchragan va uning qanday qilib valyuta daromadi olishi ham aniq emas.
To‘g‘ri, Markaziy Bankda 650 milliard dollar zaxira bor.
Lekin bu mablag‘larning yarmidan ko‘piga allaqachon arest qo‘yilgan.
Tilla zaxirasiga nima bo‘lishi ham ma'lum emas.
Dunyoda hech bir bank sanktsiyalar va katta jarimalardan qo‘rqmay Rossiya Markaziy bankidan tilla sotib olishga botinolmaydi.
To‘g‘ri oxirgi 20 yil ichida Rossiyada ko‘plab zavodlar qurildi.
Lekin ular ham Rossiyani qutqarib qololmaydi.
Chunki bu zavodlarning aksari avtomobilsozlik, aviatsiya, maishiy texnika sanoatiga taaluqli.
Bu zavodlarga ehtiyot va qo‘shimcha qismlar chetdan keladi.
Shunday ekan, kelgusi oylar ichida ko‘plab zavodlar, butun boshli sohalar to‘xtab qoladi.
Natijada tovarlar tanqisligi paydo bo‘ladi, ommaviy ishsizlik yuzaga keladi.
Bu esa soliq yig‘ishda muammolarni yuzaga chiqaradi.
Soliq bo‘lmagach, byudjet xodimlariga ham oyliklar vaqtida to‘lanmaydigan bo‘ladi.
Buning ustiga Rossiya ichkarisida samolyotlar parvozi to‘xtab qoladi.
Chunki barcha samolyotlar chet eldan lizingga olingan, ehtiyot qismlari ham xorijdan keladi.
Shunday ekan samolyotlarning birin ketin yaroqsiz holga kelishiga guvoh bo‘lamiz.
Xuddi Eronda bo‘lgani singari.
Internet ham berkiladi. Deyarli barcha mustaqil saytilar yopildi, yaqinda Vikipediya, Yutub, Tvitter va Feysbuklar ham butunlay berkilsa ajabmas.
Rossiyaliklarning ishongani Odnoklassniki bo‘lib qoladi.
Endi qishloq xo‘jaligiga o‘tsak, Rossiyada ekish tekinga urug‘larning 40 foizi chetdan keltirilishini bilasizmi?
Kartoshka urug‘ining 90 foizi xorijdan olib kelinadi.
Demak, tez orada asosiy mahsulotlar tanqisligi va narxlarning ko‘tarilishi kutilmoqda.
Bu hali hammasi emas.
Kimning imkoni bo‘lsa xorij o‘lkalarga chiqib keta boshlagan.
Kuni kecha xabar chiqdi. Rossiya elitasining oilalari Dubay, Turkiya va hatto Gurjistonga ketayotgan ekan.
Keta olmaganlarchi?
Ularning holi ne kechadi?
Odamlar chiqib ketmasin deya chiqish vizalari joriy etilishi mumkin.
Juda bo‘lmasa mamlakat butunlay yopiladi.
Ana unda Sovet Ittifoqini sog‘inganlarning orzusi ushaladi.
Ular Sovet Ittifoqining bara go‘zalliklarini o‘z tanalarida sinab ko‘rishadi.
Faqat ularni Xrushchev, Brejnev va Gorbachyovga o‘xshaganlar emas, balki aqldan ozgan diktator idora qiladi.
@eltuz Morog‘ bo‘sin! Shunday ekan qorako‘z migrant birodaru singillarim, samolyot biletiga narxlar arzonligida vatanga qaytinglar. Yo‘qsa, topgan pulingiz yo‘lkiraga ham yetmay qoladi.

Eltuz.com

Tag‘in o‘qing
6 iyun 2017
Rustam Azimov O‘zbekiston bosh vaziri o‘rinbosari lavozimidan ozod etildi. Bu haqda 6 iyun kuni UZ24 nashri xabar berdi. Xabarlarda ...
20 iyul 2016
O‘zbekiston Xalq artisti Erkin Komilovning o‘zi bilan sodir bo‘lgan voqeani ayta turib, Toshkentga viloyatdan kelayotganlarni uyat gap bilan so‘kkanini ...
27 iyul 2017
Telekanaldan yoshlar «hidini chiqarish» uchun «boshliq» qilib tayinlangan xalq artisti Ozodbek Nazarbekovning ketganligini har kim har hil talqin qilmoqda. ...
25 sentyabr 2017
Mirziyoevning talabalar, o‘qituvchilar va mediklarni paxta dalalaridan qaytarish qarori, ta'kidlash joiz, Jahon banki prezidenti bosimi ostida amalga oshdi. Biroq ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...