Tomorqa vazirligi tuziladi

Bandlik va mehnat munosabatlari vazirligi Tomorqa vazirligiga aylantiriladi. Bu haqda O‘zbekiston prezidenti Shavkat Mirziyoev 17 mart kuni Samarqand viloyati faollari bilan uchrashuvda bildirdi.

“Agar tomorqani aql bilan qilsak, bir yilning o‘zida 29 ming kishi ish bilan ta'minlanadi.

Kechirasizlar-u, odamlarni mehnatdan yiroq qilib qo‘ydik. O‘zining hovlisida mehnat qilmaslik O‘zbekiston sharoitiga to‘g‘ri kelmaydi. Jomga borganimizdayam ko‘rdik, katta qishloqda yashab, kartoshkani, sutni bozordan olyapti. 8 sotix yeri bor odam. Bu nima tirikchilik? Bu qanaqa iqtisod? Bunga qaysi davlat chidaydi? Kimni boqib bo‘ladi bunaqada», deya ta'kidlagan prezident bundan buyon prokurorlar tanbal fermerlarni tekshirishini aytdi.

“Endi har bir hokimlikning 4 rahbari – hokim, ichki ishlar boshlig‘i, prokuror, soliqchi, o‘rinbosarlar uyma-uy yuradi, faqat birinchi o‘rinbosarlar idorada o‘tirsa bo‘ladi. Prokuror prokuraturaga kirmaydi, tumanda yotadi. Yo‘qsa, ishdan olib tashlayman. (O‘zbekiston Respublikasi moliya vaziri, bosh vazir o‘rinbosari) Jamshid Qo‘chqorov tushuntirib beradi tomorqa nimaligini», dedi prezident.

Majlisda Mirziyoev Xitoy dehqoni 8 sotix yerdan million dollar ishlayotganini aytib¸ tanbal o‘zbek fermerlariga dakki berdi.

Rassom Tuz
Eltuz.com