Tonirovka 15 million – mashina 5 million…

Shu yilning 13 iyulidan O‘zbekistonda mashinalarning oynasini qoraytirishga izn beruvchi qaror loyihasi muhokamasi to‘xtatiladi.

Loyihaga ko‘ra, 90 minimal ish haqi yoki 15 million so‘m evaziga mashinalarning orqa va yon oynalarini 70 foiz qoraytirish huquqi beriladi.

Hujjat loyihasi o‘zbekistonlik haydovchilarning norozilik petitsiyalaridan so‘ng 28 iyun kuni muhokamaga qo‘yilgan edi.

Mashina oynasini qoraytirish haqini belgilashda mashina narxlaridagi farqlarning hisobga olinmagani va taklifninng haddan tashqari qimmatligi haydovchilar noroziligini keltirib chiqarmoqda.

«Hozirgi 90 minimalkaga tonirovkamas, moshina olsa bo‘ladi», deya yozadi Toshxo‘jaev Odilxon ismli shaxs.

«Tonirovkaga ruxsat berilayotganiga rosa xursand bo‘lgandim. 90 minimalkani eshitib hayron koldim. Mashina markasiga qarab minimalkasi belgilansa, eng odil qaror bo‘ladi menimcha», deydi u.

Shu paytgacha mashina oynalari qoraytirilgani uchun 172 240 so‘mlik jarima belgilangan edi.

Rassom Kirpi
Eltuz.com