Asosiy mavzular
5 aprel 2019

DXX sobiq raisi Ixtiyor Abdullaev DXX yerto‘lasiga ko‘chirildi

Joriy yilning 8 fevralida ishdan olinib, ustidan jinoyat ishi ochilgan DXX sobiq raisi Ixtiyor Abdullaev 4 aprel kuni uy qamog‘idan DXX yerto‘lasida joylashgan tergov izolyatoriga olib kelindi. Bu haqda «Eltuz»ga xabar bergan DXX zobitining aniqlik kiritishicha, Abdullaev Mustaqillik maydoniga yaqin joylashgan sobiq MXX binosi yerto‘lasidagi hibsxonaga keltirilgan.

5 aprel – Davlat xavfsizlik xizmati kuni bayramini sobiq rais yerto‘lasida nishonladi, deb ma'lum qildi suhbatdosh.

«O‘zbekiston Respublikasi Davlat xavfsizlik xizmati to‘g‘risida»gi qonun 5 aprel kuni qabul qilingan. 2018 yilning 2 oktyabrida qabul qilingan «O‘zbekiston Respublikasi Davlat xavfsizlik xizmati kunini belgilash to‘g‘risida»gi qonunga muvofiq, 5 aprel Davlat xavfsizlik xizmati kuni etib belgilangan edi.

Hozir ayni tashkilot yerto‘lasida qamoqda qolayotgan Abdullaev MXXning so‘nggi, Davlat xavfsizlik xizmatining esa birinchi raisi bo‘lib ishlagan.

2019 yilning 11 fevralidan buyon Davlat xavfsizlik xizmatiga general-leytenant Abdusalom Azizov raislik qilib kelmoqda.

Joriy yilning 8 fevralida ishdan olinib, ustidan jinoyat ishi ochilgan DXX sobiq raisi Ixtiyor Abdullaevning qarindoshlari va hamtovoqlari nazoratga qolmoqda.

DXX raisining bojasi va sobiq maslahatchisi Alisher Eshonxo‘jaev hibsga olinib, tergov qilinmoqda.

Shuningdek, Toshkent shahri prokuraturasi tergovchisi Ashraf Eshonxo‘jaev, O‘zbekiston Bosh prokuraturasi departamentida bo‘lim boshliqligidan bo‘shatilgan Hasan Eshonxo‘jaev ham ushlangan. Bu sobiq mulozim qarindoshi, DXXning sobiq raisi Ixtiyor Abdullaevga qarshi ko‘rsatma bermoqda.

Ayni paytda bir yil muqaddam prokuratura tizimidan bojxonaga o‘tkazilgan 28 amaldor ishdan chetlatilib, ularning ba'zilari ustidan jinoyat ishlari qo‘zg‘atildi.

«Eltuz» nashri DXX sobiq raisi Ixtiyor Abdullaev ustidan ochilgan jinoyat ishi tafsilotlarini kuzatishda davom etadi.

Eltuz.com

Tag‘in o‘qing
19 iyun 2017
O‘zbekiston prezidenti Shavkat Mirziyoev yaqinda Toshkentda din arboblari, jamoat va davlat idoralari vakillari bilan o‘tkazilgan uchrashuvda mamlakat uchun juda ...
5 sentyabr 2016
O‘zbekistonda qatag‘on yillarining qoralovchilaridan biri bo‘lgani iddao qilinadigan 54 yoshli Nig‘matulla Yo‘ldoshev shaxsi haqida matbuotda juda kam eshitganmiz. Nig‘matilla ...
19 yanvar 2017
Yangi saylangan prezidentning g‘ayrat-shijoati, ya'ni ketma-ket yig‘ilishlar o‘tkazayotgani, farmonlar qabul qilayotgani gazetalarni, shular qatorida partiya nashrlarini ham ancha shoshirib ...
16 oktyabr 2019
Saida Mirziyoeva “OAVni haqiqiy to‘rtinchi hokimiyatga aylantirish yo‘limizdan qaytmaymiz”, deya bong urayotgan bir paytda otasining shotirlari mustaqil jurnalistni adolat ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...