Asosiy mavzular
2 mart 2018

Muhammad Solih: Tozalangan maydonda yangi diktator taxt qurmasin!

Taniqli o‘zbek shoiri, siyosiy dissident, «Erk» demokratik partiyasi lideri 69 yoshli Muhammad Solih 1 mart kuni O‘zbekiston hokimiyat tizimlaridagi so‘nggi o‘zgarishlar yuzasidan «Eltuz» nashri muxbiriga eksklyuziv intervyu berdi.

Muhammad Solih, jumladan, hukumatdagi bir qancha yirik amaldorlarning ishdan olinishi va qamoqlarga tashlanayotganiga munosabat bildirdi.

«Bugungi tozalanayotgan maydonni yangi avtoritar rejim uchun ham, xalqning ozodligi, hurriyati va demokratiya uchun ham qo‘llash mumkin», dedi o‘z intervyusida Muhammad Solih.

U, shuningdek, «Eltuz» muxbirining mamlakat tashqi va ichki siyosati, undagi muxolifatning o‘rni haqidagi ko‘plab savollariga javob berdi.

So‘nggi shoir va birinchi siyosatchi…

O‘z ijodini o‘tgan asrning 70-yillarda boshlagan Muhammad Solih she'rlari g‘arb avangardizmi, syurrealizmi va sharq falsafasini uyg‘unlashtirgan, o‘z davrida bu xususiyat sovet tanqidchilari o‘qiga nishon bo‘lgan.

Shunga qaramay, u 20 dan ziyod to‘plam chiqargan, Frants Kafka prozasi va XX asr frantsuz shoirlari asarlarini o‘zbekchaga o‘girgan ulug‘ o‘zbek adibidir. O‘z navbatida, uning asarlari nemis, ingliz, rus, turk, ozarbayjon tillariga tarjima qilingan.

Ëzuvchi Hamid Ismoil ta'biriga ko‘ra, u Sovet O‘zbekistonining so‘nggi shoiri va mustaqil O‘zbekistonning birinchi siyosatchisidir.

Olg‘a siljish va chekinishlar…

1988 yili Muhammad Solih O‘zbekistonda ta'sis etilgan ilk norasmiy «Birlik» xalq harakati asoschilaridan biri bo‘ldi, keyinchalik esa o‘z tarafdorlari bilan «Erk» demokratik partiyasini tuzdi.

Muhammad Solih 1991 yili O‘zbekistondagi prezident saylovida Islom Karimovga raqib sifatida qatnashdi va rasman 12 foizdan ziyod ovoz qozondi.

1993 yili Muhammad Solih hukumat bosimlari ortidan vatanni tark etishga majbur bo‘ldi.

O‘zbekiston hukumati Solihni 1999 yilgi 16 fevral portlashlari tashkilotchilaridan biri sifatida ayblab keladi.

Biroq bu ayblovlar bo‘yicha sudda ko‘rsatma bergan asosiy guvoh Zayniddin Asqarov ularning qiynoqlar natijasida olinganini aytib, Muhammad Solihning portlashlarga mutlaqo aloqasi yo‘qligini bildirgan edi.

Video: https://youtu.be/jW96g5LoLAc

Eltuz.com

Tag‘in o‘qing
29 noyabr 2016
Jahon agentligi, go‘yoki horijliklar O‘zbekistondagi demokratik o‘zgarishlarga qoyil qolishayotganday shubhali usullarni qo‘llamoqda. Yaqindagina O‘zbekistondagi prezident saylovi haqida jahonning nufuzli ...
5 yanvar 2021
Toshkent viloyatining Bo‘ka tumanidagi 49-umumta'lim maktabi o‘quvchilari mutlaqo sharoiti yo‘q eski dala shiyponida o‘qishmoqda. Bu haqda bo‘kalik fermer va faol ...
22 oktyabr 2020
Milliy ishlab chiqarishni rivojlantirish degan bahona, niqob yordamida monopollarimiz qonimizni so‘rib yotibdi. Tashqaridan iste'mol mollari olib kirishga xohlagan odamga ...
20 iyun 2016
Kam ta'minlanmagan xonadon qolmagan Shibzon mahallasi haqida yozgan «Qishloq hayoti» gazetasini sinchiklab qayta o‘qigan odam, o‘z tomorqasiga tezak olib ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...