Catira
3 may 2019

Kremlparast sayt O‘zbekistonda rus tiliga rasmiy maqom so‘radi

O‘zbekistonda Moskva rasmiy nuqtai nazarini targ‘ib qiluvchi Vesti.uz sayti  30 aprel kuni 18 nafar madaniyat arbobi imzosi ostidagi rus tili maqomini ko‘tarish va rasman «millatlararo muloqot» tili sifatida e'tirof etish haqidagi murojaatni chop qildi.

Uni imzolaganlar orasida taniqli O‘zbekiston xalq artistlari  Farruh Zokirov, Bernora Qorieva va xalq rassomi Javlon Umarbekov ham bor. 

Murojaat mualliflari rus tiliga rasmiy til maqomi berilishi o‘ta muhim ahamiyatga egaligini bildirishgan.

«Rus tili maqomi masalasi – yechilishi lozim o‘ta dolzarb muammodirki, mamlakatimiz qonuniga zarur o‘zgarishlarni kiritib, iloji boricha tezroq uni umumdavlat maqomi darajasiga ko‘tarish lozim», deyiladi maktubda.

Ayni murojaat ijtimoiy mediadagi o‘zbek segmentini qo‘zg‘otdi. Aksariyat g‘azablanayotganlar rus tilining shusiz ham rasmiy maqomga egaligini bildirishmoqda.

«Aksincha, o‘zbek tili davlat himoyasiga muhtoj. Davlat tili to‘g‘risidagi qonun amalda umuman ishlamaydi. O‘zbekistonda o‘zbek tili maqomi haqiqiy davlat tili maqomiga ko‘tarilmaguncha, O‘zbekiston Rossiya soyasidagi davlat bo‘lib qolaveradi. Bu strategik jihatdan mamlakat suvereniteti uchun xavf. Tilni himoya qilish millatchilik emas. Til – davlat ramzi, suverenitet ramzi. Uni albatta himoya qilish kerak!», deya izoh qoldirda feysbuk yuzerlaridan biri. 

O‘zbekiston hali Sovet Ittifoqi tarkibida bo‘lgan 1989 yilning 21 oktyabrida ko‘p ming kishilik norozilik namoyishlari ortidan  hukumat “Davlat tili haqida”gi qonun qabul qilgan va o‘zbek tiliga davlat maqomi berilgan edi.

Eltuz.com

Tag‘in o‘qing
14 iyul 2017
11 iyulda prezident Shavkat Mirzieev chiqish stikerlari o‘rniga horijiy pasport joriy qilish qarorini imzoladi. Hujjatda, ayni masalani ko‘rib chiqish ...
21 iyun 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni prezident Mirziyoevning Andirjon 17-18 ...
10 sentyabr 2017
9 sentyabr kuni XRV vakillari Xyu Uilyamson (Hugh Williamson) va Stiv Sverdlov (Steve Swerdlov) Xorazm viloyatiga borib, o‘tgan yili ...
14 fevral 2016
Yozuvchilar uyushmasi ekspert guruhi qarori bilan, «prezident ko‘rsatmasiga amal qilmaganlari», “mamlakatda kechayotgan ulug‘vor ishlarga daxldorligini his etmaganlari uchun” haydalganlar ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...