Asosiy mavzular
9 dekabr 2019

Shunqorning parvozini balandlatayotganlar kimlar?

Majburiy mehnat byurosining Pastdarg‘om tumani bo‘limi boshlig‘i Ilhom Hamdamovning 7 dekabr kuni o‘z vazifasidan ozod etilishini mamlakatdagi hokimiyat tanazzulining bir ko‘rinishi o‘laroq baholash mumkin. 

Bundan avvalroq, 4 dekabr kuni Ilhom Hamdamov rahbarlik qilgan bo‘lim xodimlari Pastdarg‘om tumani obodonlashtirish direktsiyasiga qarashli beton zavodida elektr quvvati o‘g‘irlangani faktlarini fosh qilgan edi.

Ayni paytda rasmiylar Ilhom Hamdamovning ishdan olinishi tumanda MIB faoliyati bilan bog‘liq past ko‘rsatkichlar oqibati ekanini aytmoqda.

Rasmiylarning bildirishicha, MIBning viloyat bo‘limlarida oldinroq respublika komissiyasi tomonidan o‘tkazilgan kompleks tekshiruvda ayrim tumanlarda, jumladan, Pastdarg‘omda (o‘zbek tili qonuniyatlarini o‘zicha tushunadigan “Kun.o‘z” talqinida Past Darg‘omda) bir qator ko‘rsatkichlar bo‘yicha salbiy natijalar qayd etilgan. 

Shu sabab bilan Ilhom Hamdamovdan tashqari MIBning Urgut tumani bo‘limi boshlig‘i ham ishdan bo‘shatilgan. Tekshiruv yakunlariga ko‘ra, hali yana bir qator rahbarlar va xodimlarga nisbatan ham intizomiy choralar qo‘llanishi mumkin.

Aslida MIBdagi oddiy rahbarning lavozimidan chetlatilishi e'tibor qaratilishi lozim bo‘lgan katta voqea emas.

Ammo bu ish tuman hokimi Shunqor Xudoyberdievning yordamchisi Asror Mardievning shaxsan o‘zi MIB xodimining o‘z xizmat vazifasini bajarishiga to‘sqinlik qilgani fonida yuz bergani jamiyatimiz uchun jiddiy muammolardan birini ko‘rsatib bermoqda. 

Ya'ni bu chetlashtirish “O‘ynashmagin arbob bilan, arbob urar har bob bilan” maqolining amaliy ro‘yobi o‘laroq qabul qilinayotir.

Zero, “Kun.o‘z” sayti Shunqor Xudoyberdievning noqonuniy harakatlari haqida bir necha maqolalar e'lon qilgan, ammo hokimga jin ham urmagandi. 

Shundan xulosa qilish mumkinki, “jin” hokimning tayanchlaridan biri bo‘lishi mumkinligini aslo istisno qilib bo‘lmaydi. 

Beton zavodidagi elektrdan noqonuniy foydalanish masalasini na MIB, na elektr tarmoqlari korxonasi, na IIVning mahalliy organlari hal qila oldi. 

Shuning o‘zi ham Shunqor Xudoyberdievning parvozini balandlatayotganlar ancha tepada o‘tirishidan darak bermaydimi? 

MIBning ish faoliyati yuzasidan xalq noroziligining cheki yo‘q. Osmondan tushgan qarzlarni shafqatsiz undirayotgan, jabrdiydalarning ohu nolasini pulga chaqayotgan bu idora xodimlarining kirdikorlari talaygina.

Shu nuqtai nazardan olib qaraganda, MIB Pastdarg‘om tumani bo‘limi boshlig‘ining ishdan olinishi mantiqli bo‘lishi ham mumkin.

Ammo tuman miqyosidagi rahbarlar soyasida sodir etilayotan yirik miqdordagi o‘g‘irlik ortidan uning ishdan olinishi mantiq to‘qmog‘ini parchalaydi…

Bu voqea amaldorlarning qo‘li uzunligi mantig‘ini oldingi planga chiqarib, bizning jamiyatda hokimiyatga chiqqan kriminalning so‘zi so‘z, aytgani aytgan bo‘lishini yana bir bor tasdiqlaydi.

Eltuz.com

Tag‘in o‘qing
2 noyabr 2015
2015 yilning 8 – 9 iyulya Jenevada Inson huquqlari bo‘yicha BMT Qo‘mitasining kengashi bo‘lib o‘tdi, unda O‘zbekistondagi vaziyat muhokama ...
31 mart 2023
Shu kunlarda eltuzning jumbul jamoati quyosh chiqqandan quyosh botganga qadar yemak ichmakdan, yomon gaplardan tiyilib, tangri taborak rizoligi uchun ...
1 may 2020
Yo ramazon aytib keldik eshigingizga, Qo‘chqorday o‘g‘il bersin beshigingizga, Qo‘chqorday o‘g‘il bersa beshigingizga, Kim kelib, kim ketmaydi eshigingizga. Aziz ...
15 oktyabr 2015
Bundan bir qancha muddat avval Farg‘ona viloyatiga bosh vazir kelishi munosabati bilan paxta dalalarida terilgan paxta qayta chanoqlarga yopishtirib ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...