Mirziyoev armiyani tubdan isloh qilish haqida gapirdi

22 dekabr kuni prezident Mirziyoev O‘zbekiston Oliy Majlisiga murojaatida mamlakat harbiy doktrinasi butunlay boshqatdan ko‘rib chiqilayotgani haqida gapirdi.

«Hokimlar ishtirokida brigada komandirlaridan tortib, quyi ofitserlar tarkibiga qadar o‘zgartirdik va ularning nima qilishi kerakligi haqida aniq javoblar topyapmiz», dedi prezident.

Uning so‘zlariga ko‘ra, o‘zgarishlar yangi yildan kuchga kirishi kerak. Biroq prezident o‘z so‘zida armiyani o‘zgartirishga qancha mablag‘ sarflanishi haqida to‘xtalmadi.

Har yili O‘zbekistonda armiya xizmatiga chaqiriq payti harbiyga borish yoki qolish masalasi porasiz bitmasligi haqida aytiladi.

Global Firepower xalqaro harbiy tadqiqotlar markazi hisobotiga ko‘ra, O‘zbekiston armiyasi o‘z qudrati bo‘yicha 133 mamlakat ichida 48-o‘rindadir.

Rassom Elsevar
Eltuz.com