O‘zbek prezidenti Moskvaga borib ta'zim bajo keltiradi

Prezident Shavkat Mirziyoev rossiyalik hamkasbi Vladimir Putinning taklifiga binoan, joriy yil 23-24 iyun kunlari amaliy tashrif bilan Moskva shahriga boradi.

24 iyun kuni O‘zbekiston prezidenti «g‘alabaning 75 yilligi» deb nomlanadigan psevdopatriotik tadbirda qatnashadi. Qozog‘iston elboshisi Nazarboev, Turkmaniston orqadog‘i Berdimuhammedov va Chexiya rahbari Zeman bu tadbirga borishdan voz kechishgan edi.

Shavkat Mirziyoev iqtidorga kelganidan beri Rossiya manfaatlariga yon bosib kelayotgani va Karimov davrida taqiq qo‘yilgan “g‘alaba” kalimasi va sovetparastlikni tiriltirgani bois vatandoshlar tanqidiga nishon bo‘lib keladi.

Tashrif arafasida Rossiya prezidenti Vladimir Putin «Rossiya 1» telekanalida 21 iyunda o‘tgan navbatdagi «Moskva. Putin. Kreml» ko‘rsatuvida sobiq sovet respubliklarini Rossiya yerlarini o‘zlashtirib olganlikda aybladi.

Putinga ko‘ra, Sovet Ittifoqi tuzilayotgan paytda uning tarkibiga qo‘shilgan respublikalar “Rossiyaga tegishli katta yerlarni” va “an'anaviy tarzda Rossiya hududi hisoblangan joylarni olgan”.

Putinning ta'kidlashicha, shundan kelib chiqqan holda Sovet Ittifoqi parchalangach, uni tark etgan respublikalar “nima bilan kelgan bo‘lsa, o‘sha narsa bilan chiqishi” va “rus halqidan olingan hadyani qaytarishi lozim” edi.

Rassom Kirpi
Eltuz.com