Asosiy mavzular
13 dekabr 2021

Prezident maslahatchisining hokim ukasi nega so‘kong‘ich?

Tarmoqda mahalliy hokimning bug‘doy rejasini bajarmagan hudud rahbarlarini so‘kayotgani yozilgan audiosi tarqaldi. «Eltuz» bu audiodagi so‘kong‘ich mulozim Xorazm viloyati Yangibozar tumani hokimi O‘ktam Qo‘chqorovich Qurbonov ekanini aniqladi. 2020 yil mart oyida hokimlikka tayinlangan O‘ktam Qurbonov O‘zbekiston prezidenti maslahatchisining birinchi o‘rinbosari Qahramon Quronboevning tug‘ishgan akasidir.

«Eltuz» manbalariga ko‘ra, tarmoqda tarqalgan audiodagi voqea 2020 yil iyun oyida yuz bergan. Yangibozar tumani hokimi O‘ktam Qurbonov bug‘doy rejasini bajarmagan hudud rahbarlarini qator turg‘azib qo‘yib yarim soatdan ko‘proq vaqt davomida so‘kadi.

«Hey, jalab, yaxshi gap qulog‘ingga yoqmaydimi sening? Yo miyang chiriganmi sening? Bo‘lmasa ayt, kelsin mening yonimga. He tovuqmiya», deya boshlanadi hokimning kurakda turmas haqoratlari yomg‘iri.

8 minut davom etgan audioyozuvda hokim qo‘li ostidagilar sha'niga jami 83 marta uyatsiz haqorat yog‘diradi. Jumladan, ularni «tovuqmiya», «to‘ng‘iz», «hezalak», «jalab», «ko‘t» va hokazolar deb atagan. Uch marta ular bilan jinsiy aloqa qilishini urg‘ulagan. 10 marta jinsiy olat so‘zini ishlatgan.

«Eltuz» manbalariga ko‘ra, Xorazm viloyati hokimi Farhod Ermonov bu audio tarqalganidan habardor bo‘lgan va «uch kun ichida hamma unutadi», degan yupatuvchi mujda bergan.

Bundan oldin Xorazm viloyati Xiva tumani hokimi Ozod Matyoqubov tuman hokimligi binosida o‘tkazilgan yig‘ilishda kamida 7 nafar fermerni turg‘azib qo‘yib, 20 daqiqa davomida uyat so‘zlar bilan haqorat qilgani aks etgan video tarqalgan edi.

Bu video tarqalgani ortidan tuman hokimi uzr so‘rash bilan kifoyalangandi.

O‘zbekistonda hokimlarning majlislarda o‘z qo‘li ostidagilarni uyat so‘zlar bilan haqorat qilishi va hatto do‘pposlagani ortidan uzr so‘rab qutulishi amaliyoti bor. Hozirga qadar O‘zbekistonda biror amaldor qo‘l ostidagilar yoki oddiy fuqaroni haqoratlagani uchun jiddiy jazo olmagan.

Eltuz.com

Tag‘in o‘qing
9 mart 2018
BMT maxsus ma'ruzachisi Ahmad Shahid shu yilning 2 mart kuni Jenevadagi Inson huquqlari kengashida O‘zbekistondagi diniy vaziyatga doir hisobotini ...
1 aprel 2015
“Ijtimoiy fikr” jamoatchilik fikrini o‘rganish markazi O‘zbekiston mustaqilligi arafasida mamlakat aholisi prezident siyosatini to‘liq qo‘llab quvvatlashini bildirdi, balki yetar… ...
26 mart 2020
«Vaqt mashinasi» rukni ostidagi bugungi hikoyamiz Rossiya istibdodi ostidagi Turkistonda ijtimoiy tanglik hukmron bo‘lgan davr – o‘tgan asr boshlarida ...
21 yanvar 2019
(bu bor-yo‘g‘i hajviya, faqat qaysidir hokim o‘z aksini ko‘rsa, xafa bo‘lish yo‘q) Tumanga kimsan viloyat hokimi kelib xalqni qabul ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...