Saylov – 2024: O‘ZLIDEP yetakchi partiya

Saylov natijalariga ko‘ra O‘ZLIDEP partiyasi g‘olib bo‘ldi. Ushbu partiya parlamentda 64 ta o‘rin egalladi. Qonunchilik palatasida 38 ta o‘rin qozondi. Saylovda O‘ZLIDEP 34,75% ko‘rsatkich bilan yetakchilik qildi.

Raqamlar o‘z yo‘liga – O‘ZLIDEP g‘arb uslubidagi saylovoldi sammiti bilan boshqalardan ajralib turdi.

«Ovozimiz biror narsani hal qilganda bizdan saylash huquqi tortib olinardi» degan edi Mark Tven. Bu yanglish tushuncha, saylov hukumatga Xalq jo‘nata oladigan «biz sizlarni kuzatyapmiz» degan signal.

Siyosatga aralashmadingmi, demak, kun kelib siyosat sening hayotingga aralashadi. Shunday ekan deputatlarni tanib olish, ularning faoliyatini kuzatib borish, xatolari va jinoyatlarini yoritish shart. Tuman va shahar kengashlaridagi deputatlar faoliyatini kuzatib ochiq munosabatni bildirib borish muhim.

Bunda erkin matbuotning xizmati katta. Zotan yovuzlikning g‘alaba qozonishi uchun atrofdagilarning jim turishi kifoya.

O‘zbekistonda deputatni saylashdan ko‘ra uni ishlata olish muhim. Eltuz xalq manfaatiga qarshi chiqqan, o‘z vazifasini bajarmagan, lavozimini suiste'mol qilgan «xalq vakillarini» fosh qilishda va shu bilan birga samarali ishlayotgan amaldorlar, deputatlar haqida axborot berishga doim hozir.