Yoningdamiz, Turkiya!

Anqarada yuz bergan portlash ko‘p qatori mening ham yuragimni ezdi. Turklar va Turkiya uchun kamsitish bo‘lgan yuz yil burungi Lozan bitimi tugashi arafasida nomard Dunyo yana Turkiya ustida fitnalar uyushtira boshladi.

Turkiyaning to‘laqonli mustaqil bo‘lishini, erkin siyosat yuritishini istamaydigan xalqaro kuchlar 2023 yil yaqinlashgan sari chidamayapti, imperialistlarcha olchoq siyosatlarini yana qaytadan avj oldirishyapti.

Lekin ular o‘rtada Ollohni ko‘rishmayapti. O‘zlaricha birnimalarga erishishmoqchi, ammo Olloh ularga izn bermasligini bilishmayapti. Bugun Turkiya eski Turkiya emas! Hatto 15 yil burungi Turkiya emas! Bugun turk xalqi uyg‘ongan, Ollohni tanigan, dinini qattiq ushlagan, do‘st bilan dushmanni ajratib olgan millat! Osonlikcha yem bo‘lmaydi, inshaolloh.

Buning ustiga dunyodagi turkiy va musulmon xalqlar ham Turkiyani yolg‘izlatib qo‘ymaydi, deb o‘ylayman.

Bunday og‘ir kuningda biz sening yoningdamiz, Turkiya! Sening qayg‘ung bizning qayg‘umiz! Ko‘zingdan yosh chiqmasin, titrama, oyoqda qattiq tur, ey turk millatim!

Nurulloh Muhammad Raufxon
Eltuz.com