Ko‘zqarash
30 may 2016

Bosh vazirning yo‘lini to‘sgan militsioner

Farg‘ona shahrida o‘tgan “Universiada” sport musobaqalarining eng qiziq voqeasi albatta, yoshgina militsionerning mamlakat bosh vaziri Shavkat Mirziyoevning yo‘lini to‘sgani bo‘ldi.

Farg‘onadagi Olimpiya zahiralari kollejida musobaqalarning gandbol, dzyudo, boks, erkin kurash, yunon-rum kurashi kabi turlari o‘tkazildi.

Xavfsizlik choralari qattiq ko‘rilganligi bois, musobaqalarga kirish uchun ichki ishlar vazirligi tomonidan berilgan ruxsatnomalar ya'ni beyjiklar bilan birga pasport ham talab etildi.

Militsionerlarga kim kelsa ham pasport va beyjigini yaxshilab tekshirib, sumkasini ko‘rib, keyin o‘tkazish haqida qattiq buyruq berilganligi bois, ular ham o‘z ishlarini “sidqidildan” ado etishayotgan mahal bir gala shotirlari qurshovida bosh vazir kirib kela boshladi.

Militsioner o‘z boshlig‘idan maqtov eshitish uchun u kishini ham yo‘lini shart to‘sib “qani ruxsatnomangiz va pasportingiz” deya savolga tutdi.

Viloyat hokimi, prokurori, vazirlar ham “taxta” bo‘lib qolishdi. Militsionerning boshlig‘i uni nariroqqa olib ketdi.

Yaxshilab o‘ylab qaralsa, yosh militsionerda ham ayb yo‘q. U bechora buyruqni bajardi xolos. Undan tashqari Shavkat Mirziyoev xalqning oldiga chiqib, televizorda ko‘rinib, gazeta-jurnallar muqovasini bezab tursa ekanki, uni yoshu qari birdek tanisa.

Bosh vazir hech qachon televizorda chiqmaydi, rasmi biror gazeta yo jurnalda bosilmaydi. Shunday bo‘lgach, xalq uni qaerdan tanisin. Xalq televizorga chiqadigan radioda ovozi kunda kunora eshitilib turadigan artistni taniydi-da. Militsioner bechora o‘sha xalqning bir vakili xolos.

Men bu voqeaga tasodifan guvoh bo‘ldim. Hozir rosa militsionerga achinyapman. Bechora buyruqni halolu pok, bekamu ko‘st bajaraman deb ishsiz qoldiyov.

Nasima Davron qizi
Eltuz.com

Tag‘in o‘qing
14 mart 2018
IIV Jazoni ijro etish bosh boshqarmasi sobiq boshlig‘i, 56 yoshli polkovnik Abdukarim Shodiev 9 mart kuni hibsga olindi. «Erk» ...
30 yanvar 2017
Andijon viloyat hokimligi qaroriga ko‘ra, 1 fevraldan boshlab shaharda “Damas” rusumidagi avtomashinalar yo‘lovchi tashish faoliyati bilan shug‘ullanmaydi. Viloyat hokimi ...
9 fevral 2017
Prezident Mirziyoev kunda-kunora turli uchrashuvlar o‘tkazmoqda. Televidenie bu uchrashuvlarni qo‘ldan kelgancha qirqib, montaj qilib, amallab efirga uzatyapti. Ammo bosma ...
14 dekabr 2016
«XXI asr» gazetasi (08.12) bosh vazirning virtual qabulxonasiga kelayotgan murojaatlarga oid navbatdagi maqolani e'lon qildi. «Murojaatlar haqqoniy bo‘lsa..» sarlavhali ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...