Tepilgan uff.uz maydon tashqarisida…

O‘zbekistonda eng «beozor» mavzu hisoblanadigan hisoblanadigan sport xabarlarini yorituvchi ommaviy axborot vositalari ham birin ketin taqiqqa uchramoqda.

Futbol mutasaddilari haqida ko‘p sharhlar yoziladigan bu saytning yopilishiga asosiy sabab ham ayni shu sharhlar ekani bilan izohlanadi. Buning yana bir sababi, saytning nomi O‘FF (O‘zbekiston Futbol Federatsiyasi)ga o‘xshash bo‘lgani Mirbaror Usmonov boshchilik qilayotgan tashkilotning asabini o‘ynab kelgan.

“uff.uz 10 yildan buyon futbol haqida eng ko‘p maqolalar va xabarlar berib kelayotgan sayt edi. Babayan boshchilik qilayotgandan beri TVdagi bir necha jurnalist ishdan ketdi, ko‘rsatuvlar yopildi, endi esa saytga navbat keldi”, deydi Eltuz.com bilan suhbatda o‘z ismini ochiqlashni istamagan sobiq sport sharhlovchilaridan biri.

Bundan ilgari O‘zTV jurnalistlari Zafar va Diyor Imomxo‘jaevlar olib borgan “Sokker klub” va “Futbol sharhi” ko‘rsatuvlari ham efirdan olib tashlangan va ularning o‘zlari esa ishdan haydalgani haqida xabar bergan edik.

Bunga ko‘rsatuvda mamlakatdagi futbol jamoalari o‘rtasida «kelishilgan o‘yinlar» va totalizatorga pul tikish muammosining fosh etilishi sabab bo‘lgani aytilgandi.

«Sokker klub»ning yopilishiga sabab bo‘lgan so‘nggi ko‘rsatuv

Eltuz.com