Asosiy mavzular
9 sentyabr 2018

Imom Fazliddin Parpiev tezisdan chiqqani uchun ishdan olindi

Toshkent shahrining Yunusobod tumanidagi «Omina» jome masjidi imom-xatibi Fazliddin Pardaev ishdan olindi. O‘zbekiston musulmonlar idorasining “Eltuz”da mavjud bo‘lgan 675-buyrug‘iga ko‘ra, 8 sentyabr kuni imom vazifasidan bo‘shatilgan. Hujjatga ko‘ra, imom “Odob komissiyasi”ning yig‘ilish majlisi qaroriga asosan bo‘shatilgan.

Rasmiy buyruqda imomni ishdan olishga asos qilib, Mehnat kodeksining 100-moddasi 2-qismi to‘rtinchi bandi, ya'ni “xodimning malakasi yetarli bo‘lmaganligi yoki sog‘lig‘i holatiga ko‘ra bajarayotgan ishiga noloyiq bo‘lib qolishi” qayd etilgan.

32 yashar imom-xatib 7  sentyabr juma kuni soqol va hijob masalasida cheklovlarni qoralab, mulozimlarni prezident qarorlarini izchil bajarishga chaqirgan edi.

Buning arafasida O‘zbekistonda diniy mavzuda targ‘ibot yuritadigan o‘nga yaqin bloger qamoqqa olingandi. Lekin imom o‘zining juma va'zida blogerlarning qamoqqa olish mavzusiga aynan to‘xtalmagan. Bu chiqishidan keyin imom DXX va diniy idora mulozimlari bilan suhbatdan o‘tkazilgan edi. Juma va'zidan bir kun oldin imom Parpiev o‘z yaqinlariga va jurnalistlarga O‘zbekistondagi din bilan bog‘liq mavjud siyosatni tanqid qilish rejasi borligini bildirgan edi.

9 sentyabr kuni bir soatlik so‘nggi layf chiqishida Parpiev otasiga bosimlar bo‘lgani, “oilasi beqaror bo‘lgan”iga ishora qilib, oldingi chiqishlaridagi mavzuda boshqa gapirmasligini bildirdi.

“Bu mavzuda mendan boshqa biror layfvideo yoki hech bir boshqa fikr kutmanglar. Agar men bundan keyingi hodisalarga munosabat bildirmasam, menga malomat qilmanglar. Bundan buyog‘iga bo‘ladigan gaplarga meni aralashtirmanglar. Men bu vazifadan ozod etildim”, dedi Parpiev.

“Omina” masjidi imomi Parpiev 7 sentyabr kungi videomurojaati hukumatning yagona maktab formasini joriy etishi va hijobga qo‘yilgan cheklovlarga noroziliklar kuchaygan paytga to‘g‘ri keldi.

Uning Toshkentdagi “Omina” jome masjidiga imom etib tayinlanganiga bir oy bo‘lgan edi.

Fazliddin Parpiev 2011 yilgacha Madina shahridagi Islom universtitetida o‘qigan, 2016 yili esa Toshkentdagi Imom Buxoriy Islom institutini tugatgan edi.

Eltuz.com

Tag‘in o‘qing
18 yanvar 2016
23 yoshli Sardor Milano Toshkentda Ëshlar simfonik orkestri jo‘rligida yakkaxon kontsert uyushtirishga azmu qaror qilganida “O‘zbeknavo” mulozimlari bu kontsertga ...
25 fevral 2020
Toshkent viloyatining Bekobod shahrida joylashgan “O‘zmetkombinat” aktsiyadorlik jamiyati bilan xususiy firmalar orqali shartnoma imzolagan Abdusattor Shukurov, Sanobar Yoqubova va ...
12 iyun 2020
Xalqaro mehnat tashkiloti (XMT) tomonidan bolalar mehnatiga qarshi kurash kuni deya belgilangan bu sana har yili 12 iyunda nishonlanadi. ...
1 fevral 2016
O‘tgan hafta O‘zbekistondagi vaqtli nashrlarning sarlavhalariga boshqa davlatlarga namuna bo‘lishi kerak bo‘lgan “o‘zbek modeli” tashviqotidan tashqari turli real haqiqatga ...
Bloglar
2 iyul 2020
6-sinfda o‘qirdim, Kampuchiyada davlat to‘ntarishi bo‘lib hukumatga Pol Pot rahbarligidagi “Qizil kxmerlar” kelganini, ular butun ...
25 iyun 2020
​​Xalqaro press-klubda matbuot anjumani bo‘lib o‘tibdi, unda Inson huquqlari bo‘yicha Milliy markaz direktori Akmal Saidov ...
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan ...