Dayjest
25 aprel 2016

11 yildan keyin militsiyaga o‘zi kelgan qotil

Ma'lum bo‘lishicha, 19 yoshida jinoyati uchun qamalib, 3 yildan so‘ng amnistiya asosida ozodlikka chiqqan yangiyo‘llik fuqaro uzoq vaqt bir joyda ishlamaydi, ichkilikka ro‘ju qo‘yadi. Bir safar mast holda duch kelgan uyning eshigini urib, isinish ilinjida bo‘ladi. Bir uydan qari kampir chiqib, uning mastligini ko‘radi va eshigini yopib olmoqchi bo‘ladi. Jinoyatchi esa uni urib, ichkariga kirmoqchi bo‘lganida kampir qo‘shnining uyiga qochishga erishadi.

Endi qo‘shninikida davom etgan janjal vaqtida jinoyatchi kampirni va qo‘shni ayolni pichoqlab o‘ldiradi. Qo‘shni ayolning 14 yashar qiziga esa tajovuz qiladi. Uning ikki norasida ukasini esa murdalarning yoniga yotqizib, ustiga ko‘rpalarning paxtasini sochadi va yoqib yuboradi.

Bu bilan tinchimagan qotil o‘smir qizni sudrab uydan chiqadi va yo‘l-yo‘lakay yana bir uyning eshigini buzib, yegulik olib chiqadi. Uyning egasi kelib qolganida esa bechora qizcha unga yordam so‘rab murojaat ham eta olmaydi.

Qotil qizcha bilan bir chiqindixonaga boradi va o‘sha yerda uxlab qoladi. Bundan foydalangan qizcha bu yerdan qochib, yegulik o‘g‘irlangan uy egasining oldiga keladi. U egasi qo‘shnisi bilan chiqindixonaga kelganda qotil uxlab yotganini ko‘radi va militsiyaga xabar beradi. Militsiya yetib kelganda esa qotil allaqachon ketib ulgurgandi.

Shundan keyin qotil 11 yil davomida darbadar yuradi. Turli joylarda ishlaydi, hatto uylanib, bir farzandlik ham bo‘ladi. 11 yildan keyin otasini ko‘rgani keladi va yillar avval bo‘lib o‘tgan voqeani aytib beradi. Otasi esa uni militsiyaga topshiradi. Sud uni umrbod qamoq jazosiga hukm qiladi.

E'tiborlisi shundaki, bu vahshiylikni sodir etgan qotilni militsiya shuncha yil davomida tutmagan, agar otasi olib kelmaganida tutmasdi ham ehtimol. Holbuki, qotillik guvohlari juda ko‘p bo‘lgan.

Qolaversa, bu vahshiylik uchun javobgarlikni militsiya boshqa bir begunohning zimmasiga yuklab, ishni yopti-yopti qilgani uchun jinoyatchi shuncha vaqt ozodlikda yurgan emasmikin, degan xavotir ham keladi ko‘ngilga.

Eltuz.com

Tag‘in o‘qing
17 aprel 2018
O‘zbekiston prezidentining diniy-ma'rifiy soha faoliyatini tubdan takomillashtirish chora-tadbirlari to‘g‘risidagi farmonida soha rivojining ustuvor yo‘nalishlari xususida to‘xtalib o‘tilgan. Farmondan iqtibos: ...
30 may 2023
Erkin Vohidov 2016 yilning 30 mayida 79 yoshida vafot etdi. U 1936 yil 28 dekabrda Farg‘ona viloyati Oltiariq tumanida ...
13 noyabr 2018
O‘zbekistonda shu yilning 16 noyabridan elektr narxi 44,79 foiz oshirildi. Bu haqda xabar bergan «O‘zbekenergo» aktsionerlik jamiyati rasmiy saytiga ...
1 iyun 2022
Farg‘ona shahridagi 10-sonli vaqtinchalik saqlash tergov hibsxonasi maxbusi Qamchiev Sunnatilla va uning sheriklari muassasa xodimlari tomonidan kaltaklangan. Bu haqda ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...