Asosiy mavzular
18 yanvar 2017

Masharipovning o‘zbekistonlik bo‘lganini rasmiy Toshkent tasdiqladi

Turk matbuotiga ko‘ra Masharipovning O‘zbekiston vatandoshi ekanligini rasmiy Toshkent tasdiqlagan. O‘zbekiston tarafiga ko‘ra, Masharipov qidiruvda bo‘lgan.

Moltepadagi reyd. Foto: Ijtimoiy tarmoqdan

Turk politsiyasiga ko‘ra, Masharipov qo‘lga olingan payti «O‘ldirmang meni akalar!» deya baqirgan, qo‘lga olish paytida bitta ham o‘q otilmagan.

Chorshanba kuni tergov paytida Masharipov avvaliga Taqsim maydoni (Istanbul markazi)da portlash tashkil qilmoqchi bo‘lganini aytgan.

Keyin Roqqadagi IShID vakillari bilan kelishib tungi klubda qirg‘in qilishga qaror bergan.

Istanbul hokimi Vosip Shohin va Istanbul amniyat mudiri Mustafo Cholishqon seshanba kuni matbuot anjumani o‘tkazib, qo‘lga olingan odamning O‘zbekiston vatandoshi Abduqodir Masharipov ekanligini bildirishgan edi.

Shuningdek, matbuot anjumanida Masharipovning uyidan 197 ming AQSh dollari chiqqani bildirilgan.

IShIDga mansubligi aytilayotgan mazkur shaxsning laqabi Abu Muhammad Xurosoniy bo‘lgan.

Anjumanda ta'kidlanishicha, 33 yashar O‘zbekiston vatandoshi va etnik tojik Abduqodir Masharipov O‘zbekistonda ham qidiruvga berilgan.

Moltepadagi reyd. Foto: Ijtimoiy tarmoqdan

Uning Afg‘oniston va Pokistondagi lagerlarda ta'lim olgani ham ta'kidlandi.

Aniqlanishicha, Masharipov Turkiya hududiga Eron orqali noqonuniy yo‘llar bilan o‘tgan.

Shu kunlarda kelib chiqishi Markaziy Osiyodan bo‘lgan 50 kishi ayni voqeaga aloqadorlikda ayblanib qo‘lga olindi.

Abduqodir Masharipov bilan birga qo‘lga olinganlar orasida bir iroqlik erkak, shuningdek Misr, Senegal va Somali vatandoshlari bo‘lgan ayollar borligi aytilmoqda.

Eltuz.com manbalarining aytishicha, Masharipov Farg‘ona viloyatining Qo‘qon shahrida yashagan va bundan 6 yil oldin O‘zbekistonni tark qilgan. U ikki farzandning otasidir.

Eltuz.com

Tag‘in o‘qing
23 sentyabr 2020
Iqtisod fanlari doktori, professor Xidirnazar Allaqulov uch oy oldin yangi partiya tuzish payiga tushgandan buyon unga ko‘rinmas kuchlar tomonidan ...
10 dekabr 2019
22 dekabrda O‘zbekiston Oliy Majlisi Qonunchilik palatasi va mahalliy kengashlariga saylov bo‘lib o‘tadi. Shu kuni rasmiy ravishda ro‘yxatga olingan ...
9 fevral 2018
yoxud Turkiyada erga tegib olayotgan o‘zbek ayollari haqida 35 yoshli Muslima Turkiyaga ishlagani borayotganida turmushga chiqishni orzu qilmagandi. Avvaliga ...
26 iyul 2016
Qamchiq dovonidagi tunnel bahona Oqsaroyga yo‘nalgan paxta oqimi yanada kuchaydi. Butun O‘zbekiston matbuoti bugun shu qurilishni amalga oshirganlarga emas, ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...