Asosiy mavzular
20 fevral 2023

20 fevral – shoir Matnazar Abdulhakim tug‘ilgan kun

Ulug‘ shoir Matnazar Abdulhakim mening dunyoqarashimni o‘zgartirgan bir inson edi.

1980 yil, ilk she'rlarim Urganch tumani gazetasida bosilgan kuni gazetani ko‘tarib Matnazar akaning oldiga borganimni eslayman.

Matnazar og‘a Yozuvchilar uyushmasining Xorazm viloyati bo‘limida adabiy maslahatchi bo‘lib ishlardi.

Chap ko‘zini sal qisib, gazetadagi she'rlarimga ko‘z yugurtirgan bo‘ldi-da, «Yaxshisi kechqurun uyga kelgin, gaplashamiz!» dedi Matnazar aka. Qo‘limga esa Rauf Parfining «Qaytish», Muhammad Solihning «Oq kuylaklar» kitobini tutqazdi.

«Bularni albatta o‘qi. Kelganingda fikringni aytarsan!» Ustoz va shogirdning «rasmiy tanishuvi» shu bilan tugadi.

Shu-shu Matnazar og‘aning Qorovul qishlog‘idagi uyiga «kitob o‘qish»ga borish mening odatimga aylandi.

Yangi mashqlarim bilan tanishgach, o‘zining ham yangi she'rlarini o‘qib berar, keyin esa navoiyxonlik qilishga tushardik.

Nimqorong‘i dolondagi ko‘rpacha ustiga bir nechta yostiq olib kelib tashlardi. «Kitobni yostiqni ustiga qo‘yib o‘qish qulay menga», derdi u.

Bir g‘azal yoki baytning tahlili bilan boshlangan «kitob o‘qish» tun qorong‘usigacha cho‘zilar, qaytishda Matnazar akaning kutubxonasidan Kafka, Kortasar yoki Markesning kitobini ko‘tarib qaytardim.

«Oktyabr bayrog‘i» darajasidagi mashqlarim bilan bu asarlar o‘rtasida yer bilan osmoncha farqni ko‘rgach, mening zehniyatim ham o‘zgara boshlagandi.

Nomard bo‘lay agar nolisam,
Boshqa tirilmayman, o‘lmayman.
Bir qutulsam, bir ketib olsam,
Dunyoga men boshqa kelmayman,

degan edi ustoz bir she'rida. Men Matnazar akadan nimani o‘qishu nimani o‘qimaslik, nimani yozishu nimani yozmaslik kerakligini o‘rgandim. Shoir Matnazar Abdulhakim 2010 yili olamdan o‘tdi. Undan vazmin, takrorlanmas satrlar qoldi.

Qudrat Bobojon
Eltuz.com

Tag‘in o‘qing
11 dekabr 2016
9 dekabr kuni Xyuman Rayts Votch huquq himoyasi tashkiloti Shavkat Mirziyoev nomiga O‘zbekistonda abgor holatda qolayotgan inson huquqlari ahvolini ...
17 fevral 2016
Eltuzga maktub yo‘llagan jizzaxlik talaba 10-15-fevral kunlari Pedagogika va Politexnika institutlarida yakuniga yetayotgan imtihonlar jarayoni haqidagi kuzatuvlarini shunday bayon ...
9 yanvar 2018
6 yanvardan instagram va feysbuk sahifalarida stixiyali tarzda o‘zbeklar do‘ppi fleshmobini boshlashdi. Unga tarmoqda boshqa millatlar ham qo‘shilishdi. Zardo‘ziyu ...
6 oktyabr 2016
6 oktyabr kuni ertalab militsiya xodimlari tomonidan ushlangan fotograf Temur Karpov bilan birga Toshkent viloyatining Bo‘ka tumani paxta dalasida, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...