UzPoster
16 noyabr 2023

Behzod Musaev o‘nlab bolakay o‘limiga javob bermaydimi?

14 noyabr kuni Qonunchilik palatasining navbatdagi yalpi majlisida sog‘liqni saqlash vaziri Amrillo Inoyatov tizimda amalga oshirilayotgan ishlar yuzasidan nuqt so‘zladi.

U  sentyabrda bolalar yod tarkibli «Antistrumin» dorisidan ommaviy zaharlangani haqida gapirib, preparatni berishda doza oshirib yuborilganini tan oldi.

“Bu bilan bog‘liq bo‘lgan barcha xodimlar qonun oldida javob berishni boshlamoqda va javob beradi ham,” dedi Amrillo Inoyatov.

O‘zbekistonda 2023 yil 20 sentyabrdan barcha maktab va bolalar bog‘chalarida yod bilan ta'minlash dasturi boshlangan edi. Unga ko‘ra, har chorshanba kunlari bolalarni yod yetishmovchiligidan himoya qilish uchun ularga profilaktik dozada yod tabletkalari ichirilishi belgilangan.

Ammo oradan 2 kun o‘tib, Namangan viloyati Chust tumanidagi 9 ta bolalar bog‘chasi tarbiyalanuvchilari va 2 ta maktab o‘quvchilari — jami 70 dan ortiq bolalar zaharlanish bilan kasalxonaga yotqizilgani haqida xabar berildi.

Shu kunning o‘zida prezident Chustdagi vaziyatdan «qattiq tashvishda» ekani uning matbuot kotibi tomonidan ma'lum qilindi.

Sog‘liqni saqlash vazirligi esa o‘rganishlar yakuniga yetguniga qadar tarkibida yod bo‘lgan 100-raqamli «Antistrumin» mahalliy dori vositasidan foydalanishga taqiq joriy etdi.

«Tibbiyot juda og‘ir yo‘nalish ekan. Buyog‘iga bitta ham bunday holatga yo‘l qo‘yishga haqqimiz yo‘q. Kech bilganimiz bizning xatoimiz ekanini va takrorlanmasligini alohida ta'kidlab o‘tmoqchiman», — dedi vazir Amrillo Inoyatov.

Tan olish kerak, tibbiyot sohasida bo‘lgan va bor barcha kamchiliklar uchun Amrillo Inoyatov boshchiligidagi vazirlikning bugungi mas'ullarini ayblash urfga kirgan.

Vazir aybdorlar javobgarlikka tortiladi va bundan buyon xatolarni takrorlashga haqqimiz yo‘q deyapti.

Bu samimiy va mardlarcha qilingan e'tirof.

Ammo, «Antistrumin» hodisasi fonida 65 nafar bolalar o‘limi bilan yakun topgan undanda og‘ir fojiani ko‘pchilik unutib qo‘ygan ko‘rinadi.

O‘tgan yilgi Dok-1 Maks hodisasini eslaysizmi?

Hozirda Kambag‘allikni qisqartirish va bandlik vaziri bo‘lgan Behzod Musaev o‘shanda Sog‘liqni saqlash vazirligiga rahbar edi.

Behzod Musaev videomurojaat orqali Dok-1 Maks dori vositasini ichish natijasida dunyodan ko‘z yumgan 18 nafar bolaning ota-onalari va yaqinlariga hamdardlik bildirgandi.

Qurbonlar soni keyin 65 taga yetdi.

O‘shanda Behzod Musaev ko‘zini lo‘q qilib mazkur ishga aloqador bo‘lgan va xatolikka yo‘l qo‘ygan barcha aybdorlar javobgarlikka tortilishi hamda hech kim bilan murosa qilinmasligini aytgan edi.

MUSAYeV GAPLARI

Bu gapni aytdiyu, ko‘p o‘tmay silliq qilib Kambag‘allikni qisqartirish va bandlik vazirligiga o‘tib ketdi.

Amrillo Inoyatov mas'uliyatdan qochayotgani yo‘q. Lekin, Behzod Musaev, nega o‘lib ketgan o‘nlab bolakayning ruhi poki  hurmati, hech bo‘lmasa iste'foga chiqmadi? 

Nega o‘shanda Bosh prokuratura sas sado chiqarmadi?

Bugun Behzod Musaev bu inqirozga hech qanday aloqasi yo‘qday bemalol yuribdi.

Lekin «Dok-1 Maks» siropidan 65 nafar bolaning nobud bo‘lganini ularning ota onalari unutgani yo‘q.

Tag‘in o‘qing
24 dekabr 2015
Eltuz Mamadali Mahmudov bilan jurnalist Maloxat Eshonqulova qilgan videosuhbatning Ikkinchi qismini e'tiboringizga havola qiladi. Kecha 23 dekabr kuni Mamadali ...
13 iyun 2023
Gulnora Karimova ayollar qamoqxonasidan uy qamog‘iga o‘tkazilgani haqida xabarlar kelmoqda. Tafsiloti Eltuzga ma'lum emas. +++ Islom Karimovning birinchi xotinidan ...
11 may 2018
O‘zbekistonning davlat monopolisti bo‘lgan «O‘zbekiston havo yo‘llari» aviakompaniyasi xususiylashtiriladi. Bu haqda Xalqaro valyuta jamg‘armasi maslahatchisi Sardor Sa'dullaev 9 may ...
1 sentyabr 2021
“Eltuz” tahririyati feysbuk messenjeri orqali vahimali, ayni paytda xavotirli bir murojaat oldi. U o‘zini “IIVning xalqaro aeroportlarda xavfsizlikni ta'minlovchi ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...