Asosiy mavzular
22 mart 2019

RT dan va'z: «Boy ila xizmatchi» talqini

«Boy ila xizmatchi» – Hamzaga nisbat beriladigan drama. Originali saqlanmagan. Komil Yashin uni mafkuraga moslab qayta yozgan. Suflyor varianti saqlangan. O‘sha variantga asoslanilsa, bu asar tragikomediya janrida yozilgan.

Boy Jamila degan qizni o‘ziga o‘ynash qilib oladi. Uylana olmaydi, chunki nikohida 4 ta xotin bor. U o‘z o‘ynashini G‘ofir ismli so‘tak bir xizmatchiga erga berib qo‘yadi.

Xizmatchining bo‘yniga 1700 chor Rossiyasi rubli (170 dona o‘n grammlik oltin tanga) qarz ilib qo‘yadi.

Xizmatchi kuni bo‘yi dalada ishlaydi. «Xotin» esa boy bilan ishrat qiladi. Xizmatchi o‘zini uylantirgan boydan qarzdor ekanligini bilgani uchun ham «xotini» Jamilaning boy bilan aysh qilishiga ko‘z yumadi. Boshqa hizmatkorlar bilan suhbatda u boyni maqtab gapirib yuradi.

Bu tomoshani ko‘rganlar G‘ofirning so‘takligi Jamilaning jalabligi va Solihboyning aferist va seksterrorist ekanligidan zavq bilan kulishgan. Bu endi teatr. Hayotda ham shunday narsani guvohi bo‘ldim. Bir katta viloyat idorasining rahbari o‘ziga o‘ynash bo‘lgan kotibasini o‘z idorasida ishlaydigan ishchiga olib beradi.

To‘yini qilib beradi. Shundan keyin ishchi faqat tungi smenada ishlaydigan bo‘ldi. Aytishlaricha, bu ishchi xotinining o‘ynash ekanidan rozi. Hatto maqtanib ham qo‘yarkan «xo‘jayin bizning oilaga juda yaqin», deb. Siniqlik va umurtqasizlik millatning asosiy sifatiga aylanmadimi? O‘zining xotinini zo‘rlagan kimsani maqtash uchun kim bo‘lish kerak? Albatta, lapashang bo‘lish kerak.

Mana, siz tsirkda tomosha ko‘ryapsiz. Fokuschi o‘z shlyapasidan tovuq, quyon va bir gala kaptarlarni chiqarmoqchi.

Har xolda afishada shunday va'da qilingan. Ammo fokuschi harchand urinmasin, shlyapadan hech vaqo chiqmadi. «Fokus chiqmadi» deyishadi bu holatni. Tomoshabinlar hushtagi ostida fokuschi arenani sharmandalarcha tark etadi. Tsirk direktori uni ishdan haydab yuborsa ham ajab emas. Muddao:

Mana, 2 yildan oshdiki, O‘zbekiston atalgan tsirk arenasida Mirziyoev degan fokuschi tsirk ko‘rsatmoqchi bo‘lib tirishib yotibdi.

Ammo u kishining birorta fokusi amalga oshmadi. Tovuqlari o‘ldi, limonlari quridi, echkilarni so‘yib, qo‘y go‘shti deb sotvorishdi. Qalampirlarni axlatga tashlavorishdi. Propiskayam qimirlamay turibdi. Gaz yo‘q, svet yo‘q. Za'faron va na'matak tutmadi. Fokus chiqmadi deb hushtak chalganlarni tsirk ma'muriyati ushlab, yo‘lbarslar turadigan qafasga qamab tashlayapti. Qolganlar qo‘rqib «qanaqa zo‘r fokus mokus», deya yolg‘ondan chapak chalishmoqda.

Xulosa:

Mana, qo‘shni Qozog‘iston rahbari Nursulton Nazarboev abadiy prezident bo‘lib kursiga yopishib qolish tendentsiyasiga nuqta qo‘ydi. O‘zi ishdan ketdi. Bu yaxshi o‘rnak.

Biz O‘zbekiston prezidentiga yolg‘ondan chapak chalishni to‘xtatmasak, holimizga tsirkdagi maymunlar yig‘laydi. Ikki yildan keyin prezident saylovi bo‘ladi O‘zbekistonda.

Boshqasini saylash haqida hozirdan o‘ylaylik. Boy bo‘laylik, xizmatkor emas.

Assalom, O‘zbekiston, juma muborak!

Rassom Tuz
Eltuz.com

Tag‘in o‘qing
13 oktyabr 2017
9 oktyabr kuni O‘zbekiston bosh vaziri o‘rinbosari Tanzila Norboeva, (foto: chapdagi rasm) nuz.uz nashri orqali bergan bayonotida tibbiyot xodimlarini ...
18 aprel 2020
Mana, azizlar, qatordan xato bo‘lmay, yana siz bilan yuzlashganimdan baxtliman. Holbuki, bu kunlarga yetganlar bor, yetmaganlar bor.  Bugun odamlar ...
19 may 2016
Turkiyaning Mersin shahar mahkamasi o‘z farzandini kaltaklagan Gulchehra Isoqulova ustidan ochilgan jinoyat ishini 17 may kuni ko‘rishga boshladi. Mahkamada ...
20 dekabr 2017
16 dekabr kuni Farg‘onaning «Neftchi» jamoasi bosh murabbiyi Vadim Abramov futboldan chetlatildi. O‘zbekiston futbol federatsiyasi – O‘FF qo‘mitasi uning ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...